Terma jamoa a'zolari u yerda 25 fevralga qadar mashg'ulot olib borishdi.
Yig'in davomida futbolchilarimiz Shveytsariyaning "Delemon" (2:2) va Gruziyaning "Lokomotiv" (3:2) jamoalariga qarshi o'rtoqlik o'yinlari o'tkazishdi. Shundan so'ng Lyubinko Drulovich boshchiligidagi Olimpiya terma jamoasi Turkiyada yig'inni davom ettirdi. Turkiyadagi yig'in davomida vakillarimiz "Istambul Bashakshehir" klubining U-23 jamoasiga qarshi o'yin o'tkazib, 1:1 hisobida durang qayd etishdi. Kecha futbolchilar Turkiyadagi yig'inni yakunlab, yurtimizga qaytib kelishdi.
Eslatib o'tamiz, O'zbekiston olimpiya terma jamoasi shu yilning 22-26 mart kunlari Toshkentda o'tkaziladigan Osiyo chempionati saralashida ishtirok etadi. Terma jamoamiz a'zolari Osiyo chempionati yo'llanmasini qo'lga kiritish uchun Tojikiston, Hindiston va Pokiston terma jamoalari bilan kuch sinashishadi.
