UZ

Ўзбекистон футбол ассоциацияси ишчи гуруҳ вакиллари Андижон вилоятида бўлишди Янгиликлар

Ўзбекистон футбол ассоциацияси ишчи гуруҳ вакиллари Андижон вилоятида бўлишди

Ўзбекистон футбол ассоциацияси биринчи вице-президенти Равшан Эрматовнинг Намангандаги хизмат сафари тафсилотлари билан таништирган эдик.

Сафарнинг иккинчи кунида ЎФА ишчи гуруҳ вакиллари Андижон вилоятида бўлишди. Дастлаб Равшан Эрматов бошчилигида мутахассислар Андижон шаҳридаги Бўстон даҳасида жойлашган Андижон болалар ва ўсмирлар футбол мактабига ташриф буюриб, ёш футболчилар билан учрашди ва футбол мактаби шароитлари билан яқиндан танишди. Келажакда ушбу даргоҳда футбол академиясини ташкил буйича таклиф таёрлаш режалаштирилди. Кейин мутахассислар Андижон шаҳри Шўрбулоқ дахасида жойлашган болалар ва усмирлар футбол академиясида бўлиб, ушбу академия фаолияти билан яқиндан танишди. Шу ернинг ўзида Озарбайжонда ўтган халқаро турнирда ғолиб бўлган ёшларни тақдирлаш маросими бўлиб ўтди.

Шундан сўнг Андижон шаҳридаги ихтисослаштирилган олимпия захиралари мактаб-интернати фаолияти ўрганиб чиқилиб, ушбу даргоҳда футболчиларни қабул қилиш квоталарини кўпайтириш ва қўшимча майдонлар қуриш таклифи илгари сурилди. Шунингдек, «Андижон» клуби иштирок этадиган «Соғлом авлод» стадионида майдон ҳолатини янада яхшилаш бўйича кўрсатма берилди. ЎФА ишчи гуруҳи томонидан Избоскан, Шаҳрихон, Асака, Қўрғонтепа туманлари кўздан кечирилиб футбол мактаблари ва академиялари барпо этиш учун қулай локациялар белгилаб олинди.

Андижон футболининг бугунги ҳолати ўрганиб чиқилгач, тегишли хулоса ва режаларни мухокама қилиш мақсадида Равшан Эрматов Андижон вилояти ҳокими Шухратбек Абдураҳмонов билан учрашди ва вилоят футболини ривожлантириш бўйича режалар борасида суҳбатлашди.


Рейтинг: +6   

Фикрлар

championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг