Kecha Falastin terma jamoasi o'zining navbatdagi o'rtoqlik o'yinini Eronga qarshi o'tkazib 1:1 hisobini qayd etdi. O'yin Dohadagi "Abdulloh bin Xalifa" stadionida o'tkazildi.
Uchrashuvning 50-daqiqasida Mehdi Taremi hisobni ochdi. Oxirgi daqiqalar o'tib borayotgan bir paytda esa Jonatan Kantillana hisobni tenglashtirdi. Shunday qilib bahs durang natija bilan yakun topdi. Eron shuningdek, Hindiston bilan ham o'ynamoqchi bo'lgandi, biroq hindlar ustozi Stefen Konstantin bunga ko'nmadi.
