Осиё футболи. Акрам Афиф шартномасини узайтирди

Қатар чемпиони "Ал Садд" асосий футболчилардан бири Акрам Афиф билан янги келишувга эришди. Афиф клуб билан шартномасини 2025 йилга қадар узайтирди. Шундай қилиб ўтган йил Осиёнинг энг яхши футболчиси деб топилган Акрам Афиф фаолиятини яна "Ал Садд"да давом эттиради.

Бу ҳақда жамоа бош мураббийи Хави шундай деди: "Акрам Афиф жуда кучли футболчи. У бежизга Осиёнинг энг яхши ўйинчиси бўлгани йўқ. 25 ёшли ярим ҳимоячи билан келишувга эришганимиздан хурсандмиз. Унинг ҳали жамоага кўп фойдаси тегади". 

Ўз навбатида футболчи ҳам мамнунлигини яширмади: "Ал Садд" мен учун нафақат клуб, балки бир оила. Мен янги шартнома тузганимдан хурсандман. Бу жамоа сафида кўплаб совринларни қўлга киритиш учун бор кучимни бераман. Барчага катта раҳмат".