Osiyo chempionati (U-22). O'zbekiston - Xitoy uchrashuvida uchta futbolchimiz maydonga tusha olmaydi

Bu haqda O'FF rasmiy tvitteri xabar berdi.

12 yanvar, 18:00 (Toshkent vaqti). Seeb Stadium. O'zbekiston – Xitoy. O'zbekiston – oq, Xitoy – qizil rangli libosda.

14 yanvar, 18:00 (Toshkent vaqti). Seeb Stadium. Iroq – O'zbekiston. Iroq – oq, O'zbekiston – ko'k rangli libosda.

16 yanvar, 21:00 (Toshkent vaqti). Seeb Stadium. Saudiya Arabistoni – O'zbekiston. Saudiya – oq, O'zbekiston – ko'k rangli libosda.

Xitoyga qarshi o'yinda O'zbekiston U-22ning uch o'yinchisi diskvalifikaciya sabab maydonga tusha olmaydi. Davronbek Hoshimov U-22 saralashining Iordaniyaga (1:3) qarshi so'nggi o'yinida qizil kartochka olgan. Temurxo'ja Abduxoliqov U-22 saralashining Yaman (1:1) va Iordaniyaga (1:3) qarshi o'yinlarida sariq kartochkalar olgan. Tohirjon Shamshitdinov U-20 JCH-2013ning Fransiyaga (0:4) qarshi chorak final o'yinida qizil kartochka olgan.

Xitoy terma jamoasi safida diskvalifikaciya sabab O'zbekistonga qarshi o'yinni o'tkazib yuboradigan o'yinchilar yo'q.

O'zbekiston TJM markazi direktori Asqar Tolibjonov va direktor o'rinbosari Rustam Akramovlar bugun Ummon poytaxti Maskatga uchib ketadi.