O'yinni hujumkor boshlagan vakillarimiz 14-daqiqada jamoamiz ko'rigida bo'lgan buxorolik futbolchi Sardor Sulaymonovning goli evaziga hisobni ochgan bo'lsa, taym yakunida raqiblar Nizom Norovning goli evaziga muvozanatni tiklashdi, 1:1.
Ikkinchi bo'limni ham hujumkor boshlagan dinamochilar 49-daqiqada yana hisobda oldinga chiqib olishdi. Iskandar Xolmirzaev belgilangan 11 metrlik jarima zarbasidan unumli foydalandi, 2:1.
72-daqiqada esa jamoamizning yana bir yarimhimoyachisi Jasur Azimov o'z goli bilan oradagi farq ikkitaga etkazdi, 3:1. Bu golga javoban ko'p o'tmay, Termiz klubi a'zolari Botir Xollievning goli bilan javob bera olishdi, yakuniy hisob - 3:2.
Nazorat o'yini. Toshkent.
21 fevral (seshanba)
DINAMO - SURXON - 3:2 (1:1)
Gollar: Sardor Sulaymonov 14, Iskandar Xolmirzaev 49 penaltidan, Jasur Azimov 72 – Nizom Norov, 43, Botir Xolliev 77.
Dinamo: Mixail Naumov, Hakimxon Alamxonov, Aleksey Nikolaev, Akmal Bozorov, Firdavs Abdusalimov, Abdujamol Isroilov, Iskandar Xolmirzaev, Jasur Azimov, Javohir Qahramonov, Abdumalik Abdullaev, Sardor Sulaymonov.
Ikkinchi bo'limdan maydonga tushganlar: Rustam Toshturdiev, Komil Sharofutdinov, Asomiddin Mamatov, Amirjon Safarov, Diyor Malikov.
Dinamo jamoasi Toshkentdagi ikkinchi yig'in doirasidagi to'rtinchi uchrashuvni 22 fevral kuni Namanganning Navbahor klubiga qarshi o'tkazishadi.
