Bugun chempionatda 6-o'rinni band etgan "Olmaliq" haqida so'z yuritamiz.
"Olmaliq" chempionat startini ajoyib boshlagandi. Ilk turda amaldagi chempion "Paxtakor" bilan Toshkentda durang qayd etilgan. Keyin "Nasaf" va "Andijon" mag'lub etilgan. Shu tariqa jamoa 3-turdan so'ng peshqadam bo'lib olgandi. Biroq keyin mag'lubiyatlar, ochko yo'qotishlar boshlandi. Yozgi tanaffusga jamoa 6-o'rinda chiqib ketdi. Ikkinchi davrada "Olmaliq" kuchli raqiblarni enga olmadi, faqat "Bunyodkor" va "Neftchi" bilan durang o'ynadi. O'zidan pastdagi jamoalarni taslim qilib ochkolar jamg'argan jamoa mavsumni ham aynan 6-o'rinda tugatdi.
Murabbiy
Igor Shkvirin "Olmaliq" murabbiyi sifatidagi sakkizinchi mavsumini o'tkazdi. Murabbiy bu yil bir qator tajribali va yosh futbolchilarni jamoaga jalb qildi. Statistikaga murojaat qilsak Shkvirin zaxiradan maydonga tushirgan 9 nafar futbolchi gol urishga erishdi. Bu uning zaxiradan qanchalik unumli foydalana olishidan darak beradi.
Yetakchi
Arslonmurod Omonov
Turkmanistonlik legioner bir mavsumning o'zida jamoada etkachi bo'la oldi. Universal futbolchi qanotlarda ham, markazda ham o'ynay oladi. U O'zbekiston chempionatidagi debyut mavsumida 5ta gol urdi va 10ga yaqin golli pas oshirdi. Agar 25 yoshli futbolchi keyingi yil ham "Olmaliq"da o'ynasa yanada yaxshiroq o'ynashi mumkin.
Kashfiyot
Doniyor Ismoilov
1994 yilda tug'ilgan hujumchi bu yil oliy ligada debyut qildi. Debyut ajoyib bo'lgan. G'uzorda "Sho'rtan" bilan o'yinning 87-daqiqasida hisob mezbonlar foydasiga 3:2 bo'lib turganida Isomilov zaxiradan maydonga tushgan. Hakam tomonidan qo'shib berilgan daqiqada 21 yoshli Doniyor oliy ligadagi ilk o'yinida o'zining dastlabki golini urib "Olmaliq"ni mag'lubiyatdan qutqarib qolgandi. So'nggi turda "Dinamo"ga qarshi uchrashuvda ikkinchi bo'lim boshida maydonga tushgan futbolchi 90+3-daqiqada to'p kiritib "Olmaliq"ni mag'lubiyatdan qutqarib qoldi.
Eng yaxshi o'yin
"Olmaliq" - "Nasaf" 2:0
Oliy liganing 2-turida Ro'ziqul Berdiev boshchiligidagi "Nasaf" klubi "Olmaliq" klubi mehmoni bo'lgandi. O'shanda qarshiliklar OCHLda uchta va oliy ligada bitta o'yinda ishtirok etib bo'lishgandi. "Olmaliq" esa faqat bitta uchrashuv o'tkazgandi. Shunga qaramay Shkvirin boshchiligidagi jamoa "ajdarlar"ni 2:0 hisobida taslim qilishga erishgandi.
Eng yaxshi futbolchi
Shavkat Salomov
Yarim himoyachi "Olmaliq"da ajoyib o'yin namoyish eta oldi. Futbolchi 28ta o'yinda 8ta gol urdi va 10dan ortiq golli pas oshirdi. U "Buxoro" bilan bahsda dublga erishdi. Mavsum davomida ketma-ket to'rtta o'yinda maydonni golsiz tark etmadi. Serbiyalik legioner Nemanya Yovanovich ham yaxshi nomiga loyiq edi. Biroq u birinchi davrada atiga 2ta gol urdi. Faqat 18-turdan so'ng ketma-ket gollar urdi va 9ta gol bilan jamoa to'purariga aylandi.
Kim qancha o'ynadi?
| Futbolchi | Amp | Tug'.sana | O'yin | Daqiqa | Gol | SK | QK |
| Omonov Arslonmurod | Yahm | 28.03.1990 | 30 | 1699 | 5 | 3 | 0 |
| Salomov Shavkat | Yahm | 13.11.1985 | 28 | 2462 | 8 | 8 | 0 |
| Yovanovich Nemanya | Huj | 03.03.1984 | 28 | 2380 | 9 | 6 | 0 |
| Inomov Islom | Him | 30.05.1984 | 27 | 2347 | 2 | 7 | 0 |
| Qutiboev Salamat | Yahm | 21.05.1986 | 27 | 2183 | 5 | 8 | 0 |
| Gogol Evgeniy | Him | 20.01.1986 | 26 | 2210 | 2 | 5 | 3 |
| Pirimov Zohir | Yahm | 06.03.1990 | 24 | 1580 | 2 | 0 | 0 |
| Abdumo'minov Jahongir | Huj | 09.02.1993 | 24 | 1509 | 4 | 7 | 0 |
| Pavlenko Nikita | Yahm | 25.02.1994 | 24 | 1381 | 3 | 1 | 0 |
| O'runov G'ulom | Yahm | 07.06.1989 | 23 | 1092 | 2 | 1 | 0 |
| Jo'raev Sahob | Him | 19.01.1987 | 21 | 1385 | 0 | 5 | 1 |
| Xonimqulov Umid | Dar | 17.08.1982 | 17 | 1501 | 0 | 1 | 0 |
| Kashkaval Adrian | Him | 10.06.1987 | 15 | 1350 | 2 | 1 | 0 |
| Xojiakbarov Abduqahhor | Him | 18.07.1989 | 15 | 1144 | 0 | 5 | 0 |
| Turopov Diyor | Yahm | 09.07.1994 | 15 | 1029 | 1 | 4 | 0 |
| Akbarov Saidkomil | Him | 30.12.1982 | 13 | 1170 | 0 | 1 | 0 |
| Murzoev Kamoliddin* | Huj | 17.02.1987 | 12 | 696 | 3 | 1 | 1 |
| Jo'raboev Obid** | Him | 17.02.1986 | 9 | 528 | 0 | 3 | 0 |
| Shog'ulomov Alisher** | Huj | 06.02.1994 | 9 | 257 | 1 | 3 | 0 |
| Fomichev Valeriy** | Dar | 23.02.1988 | 8 | 655 | 0 | 0 | 1 |
| Ismoilov Doniyor | Huj | 14.02.1994 | 7 | 220 | 3 | 1 | 0 |
| G'aniev Timur | Dar | 27.01.1984 | 5 | 450 | 0 | 1 | 0 |
| Isroilov Azamat | Him | 29.10.1991 | 5 | 73 | 0 | 1 | 0 |
| Isoqjonov Islombek* | Huj | 29.04.1993 | 3 | 72 | 0 | 1 | 0 |
| Isaev Muhammad | Yahm | 01.09.1994 | 2 | 31 | 0 | 0 | 0 |
| Shkvirin Nikita | Dar | 23.06.1991 | 1 | 90 | 0 | 0 | 0 |
Izoh:
* - birinchi davradan so'ng jamoani tark etganlar.
** - ikkinchi davrada jamoaga kelganlar
"Olmaliq-2015" mavsum statistikasi
| O'yinlar | 30 |
| Gollar | 53 |
| Uydagi gollar | 31 (58,49%) |
| Mehmondagi gollar | 22 (41,51%) |
| O'tkazilgan gollar | 49 |
| Uyda o'tkazilgan gollar | 19 (38,78%) |
| Mehmonda o'tkazilgan gollar | 30 (61,22%) |
| O'rtacha gol | 1,77 |
| O'rtacha o'tkazilgan gol | 1,63 |
| Uydagi ochkolar | 31/45 (68,89 %) |
| Mehmondagi ochkolar | 13/45 (28,89 %) |
| Eng yirik g'alaba | 4:0 - "Buxoro" |
| Eng yirik mag'lubiyat | 1:4 - "Lokomotiv" |
| "Quruq" o'yinlar | 5 (16,67%) |
| Gol ura olmagan o'yinlar | 3 (10%) |
| Irodagi g'alaba | 2 |
| Yirik g'alabalar | 2 |
| Yirik mag'lubiyatlar | 1 |
| Avtogol (urilgan/o'tkazilgan) | 1/1 |
| Ogohlantirishlar (o'rtacha) | 74 (2,47) |
| Chetlatishlar (o'rtacha) | 6 (0,2) |
| Maydonga tushganlar (legioner) | 26 (5 - 19,23%) |
| Tomoshabinlar (jami/o'rtacha) | 134577 / 4486 |
Oliy liga-2015 yakunlari. "Paxtakor" haqida
Oliy liga-2015 yakunlari. "Lokomotiv" haqida
Oliy liga-2015 yakunlari. "Nasaf" haqida
Oliy liga-2015 yakunlari. "Neftchi" haqida
Narzulla Saydullaev
