Rasmiy hujjatni bugun “TORPEDO-BELAZ” FK direktori Aleksandr Pugach va OKMK FK bosh direktori Bahodir Mirzaev imzoladi.

Shartnomada ko'rsatilgan kelishuvlarga quyidagilar kiradi:
- bolalar, yoshlar va aholining boshqa guruhlari o'rtasida sog'lom turmush tarzini targ'ib qilish va futbolni ommalashtirish;
- futbol sohasida ijtimoiy ahamiyatga molik loyihalarni amalga oshirish;
- futbolni rivojlantirishga qaratilgan dasturlarni birgalikda ishlab chiqish va amalga oshirish;
- har ikki davlatda o'tkaziladigan xalqaro musobaqalarda ishtirok etish;
- murabbiylarning klublarning sport inshootlarida amaliyot o'tashlari va o'quv-mashg'ulotlar yig'inlarida ishtirok etishi;
- sport marketingi va boshqa sohalarda tajriba almashish;
- bolalar va o'smirlar futboli sohasida hamkorlik.

Eslatib o'tamiz, OKMK klubi O'zbekiston Superligasining ikkinchi davrasiga tayyorgarlikni aynan Belarusda o'tkazmoqda. Bahodir Mizaev shartnoma imzolangandan so'ng OKMK bazasida "Torpedo-BelAZ" jamoasi uchun qishki mavsumoldi yig'inini tashkil etishni taklif qildi.

Bugun, shuningdek, OKMK sport delegaciyasi Belarus avtomobil zavodiga ekskursiyaga yo'l oldi, ertaga olmaliqliklar "Minsk" jamoasi bilan o'rtoqlik uchrashuvi o'tkazadi.

OKMK Belarus klubi bilan hamkorlik shartnomasi imzoladi