"Шерлар"нинг устунлигида ўтган ўйинда С.Войнески шогирдлари 1:0 ҳисобида ғалаба қозонишди. Учрашувда ягона голни 83-дақиқада Алибоевнинг чиройли пасидан кейин Ҳ.Эркинов киритди.
ОФК матбуот хизмати ушбу ўйин статистикасини эълон қилди. Унга кўра, "Пахтакор" умумий зарбалар бўйича ҳам, аниқ зарбалар бўйича ҳам устунлик қилган.
Эслатиб ўтамиз, "Пахтакор" ОЧЛ 3-тур ўйинини 14 апрель куни Қатарнинг "Дуҳайл" клубига қарши ўтказади. Мазкур учрашув Тошкент вақти билан 22:15да старт олади.
