"Рома"га кейинги йилда "Аталанта" клуби мураббийи Жан Пьер Гасперини бош мураббий бўлади.
61 ёшли мутахассис 3 йиллик битим имзолашга яқин турибди. Унинг йиллик маоши 2,5 миллион еврони ташкил этади.
Италия Кубоги финалига қадар Гасперини жамоадан кетмаслигини маълум қилган эди, аммо "Лацио"дан учралган мағлубиятдан сўнг эса у ўз қарорини ўзгартирган.
Чемпионат якунланишига икки тур қолганини инобатга олсак, ЕЧЛга йўлланма олиш учун "Рома"дан кўра "Аталанта"нинг имкониятлари юқорироқ.
