Nike vs Adidas
1924 yilda asos solingan "Adidas" XX asrda bozor qiroli bo'lgan va hech qaysi kompaniya nemis monopoliyasi bilan kurashishni xatto tasavvur ham qila olmas edi.
90 yillar o'rtalarida AQSHning "Nike" kompaniyasi surbetlarcha yetakchilar safiga qo'shilib oldi va hozirgacha boshqalardan bir qadam oldinda bo'lib kelmoqda.
Bu ikki mahluqlar bahsida har qanday dopingga ruhsat berilgan:
Aql bovar qilmaydigan marketing uslublari, virusli rekamala roliklari, o'nlab futbol va boshqa sport yulduzlari bilan shartnomalar va halokatli kasalliklar shifosidan ko'ra ko'proq mablag' ketadigan tadqiqot laboratoriyalari. Nemis kompaniyasi 2010 yilda bu maqsad yo'lida 102 mln. evro sarfladi.
Adidas reklama roligi (Tas-ix emas)
"Nike" reklama roligi (Tas-ix emas)
Bozor
Tijorat nuqtayi nazaridan "Adidas" deyarli barcha sohada "Nike" dan orqada ko'rinadi:
Amerikaliklarning 2014 yildagi sotuvdan tushgan mablag'i 27 mlrd. dollarni tashkil qildi, nemislarda esa 16 mlrd. Euromonitorning ma'lumotlariga ko'ra, "Nike"ning bozordagi ulushi 14,6%ni, "Adidas"niki esa 11,4%ni tashkil qilgan. Yankilar 2014 yilda markenting uchun 3 mlrd. dollar, yevropaliklar esa - 2 mlrd.ga yaqin ishlatishdi.
Futbol
Jahon chempionati
Bu kompaniyalar asosiy e'tiborni jahonda eng ommalashgan sport turi - futbolga qaratishgan. 2014 yilda o'tgan jahon chempionatida ishtirok etgan terma jamoalarning o'ntasiga "Nike", 9 tasiga "Adidas" homiylik qilgan. "Nike" quyidagi futbolchilar bilan shaxsiy shartnoma imzolagan: Krishtianu Ronaldu, Andres Inesta, Xerard Pike, Ueyn Runi, Neymar.
"Adidas"da esa Ozil, o'sib borayotgan Xames, mayus Torres va Kasilyas bo'lgan. Nemislarning asosiy quroli Lionel Messi edi.
"Adidas"ning mundialdagi yana bir ustunligi FIFA bilan hamkorligi va jahon chempionatida nemis kompaniyasi ishlab chiqargan Brazuka to'pidan foydalanilishi bo'ldi.
Braziliyadagi jahon chempionatida "Adidas" g'alaba qozondi desak bo'ladi, chunki finalga ushbu kompaniya homiylik qiladigan ikki terma jamoa, Argentina va Germaniya chiqdi. Buning ustiga "Adidas" kiyimidagi uch formalarida o'ynagan uch futbolchi - Messi, Myuller va Xames chempionat to'purariga aylandi.
Yevropa top-5 chempionatlari
Yevropaning kuchli beshlik chempionatlarida muntazam ravishda "Nike" to'plaridan foydalaniladi.
2000 yildan beri ustunlik qilayotgan amerikaliklar kompaniyasi asta-sekin raqobatda "Adidas"ga imkoniyatni boy berib qo'ymoqda. Bunga sabab, Yevropa grandlari 2015-2016 mavsumdan boshlab "Adidas"ga o'tdi.
"Nike"ning asosiy yutug'i "Barselona" hisoblanadi. Hozirgi kunda Kataloniya klubi o'zining g'alabali odimlari bilan muxlislarni va "Nike"ni xursand qilib turibdi, ammo klub osmoniga qora bulutlar kelib qolsa, AQSH kompaniyasining holiga voy bo'lishi mumkin.
O'zbekiston
O'zbekiston chempionatiga keladigan bo'lsak, futbolimizda JOMA gegemonlik qilmoqda. Ushbu kompaniya oliy liga klublarining yarmidan ko'piga forma etkazib beradi, buning ustiga ular terma jamoamiz homiyi ham hisoblanadi. "Adidas"dan faqat "Paxtakor", "Nasaf" va "Olmaliq" foydalanadi.
