"Навбаҳор" яна бир легионери билан хайрлашди
03 дек 2021 22:19
Янгиликлар
"Навбаҳор" яна бир легионери билан хайрлашди
"Мавсумлар оралиғидаги танаффус пайтида ҳар бир жамоа таркибида ўзгаришлар бўлиши табиий. Албатта, “Навбаҳор” ҳам бундан мустасно эмас.
Кеча “лочинлар” сафини 3 нафар футболчи тарк этганлиги борасида хабар бергандик ва уларнинг иккиси легионер эди. Бугун клуб ҳамда футболчи ўртасидаги икки томонлама келишувга асосан, жамоамиз таркибини яна бир легионер, яъни, бразилиялик 27 ёшли ярим ҳимоячи Коста Тенорио Гуттинер тарк этди.
“Навбаҳор” таркибига ёзги трансфер пайтида қўшилган Гуттинер жамоамиз сафида 13 та ўйинда майдонга тушиб, 463 дақиқа ҳаракат қилди ва битта голга муаллифлик қилган ҳолда, яна битта голга “пас” берди.
Таъкидлаш жоизки, Coca Cola Суперлигасининг 16-туридан ўрин олган “Насаф” – “Навбаҳор” учрашувида айнан бразилиялик ярим ҳимоячининг ягона голи эвазига “лочинлар” Қаршидан ғалаба билан қайтишганди.
“Навбаҳор” ПФК Коста Гуттинерга жамоамиздаги фаолияти учун ўз миннатдорчилигини билдиради ҳамда футболчининг кейинги фаолиятида омад ёр бўлишини тилаб қолади", -дейилади клуб баёнотида.

Ўхшаш янгиликлар
championat.asia
Ла Лига. "Реал Мадрид" ўз уйида "Реал Бетис"га 5 та гол урди
АПЛ. "Ман Сити" "Челси"га қарши ўйинда 90+4 дақиқада тўп ўтказиб юборди ва ғалабани бой берди, Ҳусанов 51-дақиқада захирадан ўйинга қўшилди
Алижонов "Пахтакор"да қолиш учун йирик битимни рад этди
Ла Лига. "Барселона" сўнгги дақиқалардаги иккита гол эвазига "Эспаньол"ни мағлуб этди
Фикрлар