"Навбаҳор" Туркиядаги илк ғалабасини нишонлади
14 фев 2021 09:15
Янгиликлар

"Навбаҳор" Туркиядаги илк ғалабасини нишонлади

Айни пайтда ўз ўқув – машғулот йиғинини Туркияда олиб бораётган “Навбаҳор” мазкур мамлакатдаги йиғин доирасидаги навбатдаги ўртоқлик баҳсини бугун Латвиянинг “Валмиера” клубига қарши ўтказди.

Кескин курашлар остида ўтган мазкур ўйинда Нўъмон Ҳасанов шогирдлари 3:1 ҳисобида зафар қучиб, Туркиядаги дастлабки ғалабани нишонлашди.

Таъкидлаш жоизки, ушбу учрашувдаги барча голлар биринчи бўлимда урилди.

"Лочинлар"нинг голларига Забиҳилло Ўринбоев (8), Иван Соловьёв (41) ва Славиша Стоянович (44) муаллифлик қилишган бўлса, “Валмиера”нинг ягона голи грузиялик ярим ҳимоячи Лука Силагадзе (43) ҳисобига ёзилди.

"Навбаҳор": Ўткир Юсупов, Мирзоҳид Ғофуров, Даврон Ҳошимов, Никола Тасич, Сардор Теляков, Эҳсони Паншанбе, Иван Соловьёв, Марко Путинканин, Қувондиқ Рўзиев, Забиҳилло Ўринбоев, Славиша Стоянович.
Захирадан майдонга тушганлар: Баҳром Абдураҳимов, Шоҳруҳ Маҳмудҳожиев.

“Навбаҳор” ПФК матбуот хизмати.

Ҳавола :

Манба : pfcnavbahor.uz

Янгиликларни Телеграмда ўқинг!

Рейтинг: -9