“Навбаҳор”: "Оқ-тепа"га ютқаздик, Дониёр Усмонов жамоадан кетди

“Оқ-тепа” жамоасига қарашли майдонда бўлиб ўтган учрашувнинг биринчи бўлимида ҳисоб очилмади. Танаффусдан кейин “Оқ-тепа” жамоаси ҳисобни очишга эришди. Айнан ушбу гол ўйин тақдирини ҳал қилди. Учрашувни “Навбаҳор” қуйидаги таркибда ўтказди: Хуршид Хўжаев, Юрий Рижко, Бобир Акбаров, Алишер Саматов, Раҳматилло Бердимуродов, Алишер Маҳмудов, Дилшод Жабборов, Отабек Валижонов, Санъат Шихов, Суннатилла Мамадалиев, Мўйдин Мамазулумов.
Захирадан майдонга тушганлар: Илҳом Бойдедаев, Азим Аҳмедов, Ботир Тўрабоев, Тимур Кагиров, Роббим Ҳасанов, Азамат Бобожонов, Муҳаммад Расулов.

“Оқ-тепа”га қарши учрашувда анчадан бери жароҳат туфайли майдонга туша олмаётган Азим Аҳмедов ниҳоят майдонга қайтди. Жамоага молдовалик посбон Александр Меленчук таклиф этилганлиги боис ўтган мавсумда “Навбаҳор” шарафини ҳимоя қилган Дониёр Усмонов билан хайрлашилди. Усмонов навбатдаги мавсумни бошқа жамоа сафида ўтказадиган бўлди. Усмоновнинг кейинги фаолиятини муваффақиятли кечишини тилаб қоламиз.

Жамоа навбатдаги назорат ўйинини 1 март куни Жиззахнинг “Сўғдиёна” клубига қарши ўтказади. Мазкур учрашувдан кейин Тошкент йиғини якунига етади. 4 мартдан эса машғулотлар Наманганда давом эттирилади.

Мавсумга тайёргарликни Наманганда давом эттираётган ёшлар ҳам навбатдаги ўртоқлик учрашувини ўтказишди.

Бу сафарги ўйинда футбочилар “Қўқон-1912” жамоаси ёшлари билан куч синашишди. “Навбаҳор-Умид” футбол мактаби майдонида бўлиб ўтган учрашувда ёшларимиз 2:0 ҳисобида ғалаба қозонишди. Ғалаба голларига Азизбек Сайфиддинов (пен.) ва Илҳом Алибаевлар муаллифлик қилишди. Ёшлар эртага биринчи лига вакили “Ёзёвон” жамоаси билан меҳмонда куч синашишади.