Qarshiliklar safar uchrashuviga bosh murabbiysiz va to'liqisiz tarkib bilan tashrif buyurishdi. Tarkibga e'tibor qaratsak, deyarli asosiy tarkib futbolchilari Jizzax viloyatida bo'lib o'tadigan “Barkamol avlod” sport musobaqasiga viloyat sharafini himoya qilish uchun o'z qarorgohilarida tayyorgarlik ko'rmoqda. Viloyat terma jamoasi murabbiyi “Nasaf-2” jamoasi bosh murabbiysi Nurali Sultonov mashg'ulotlar olib bormoqda. Shu bois, safardagi bahsga “Nasaf-2“ jamoasi yordamchi murabbiyi Nasim Shoyimov olib bordi.
Mazkur uchrashuv keskin va janggavor tarzda kechdi. Gulistonlik bosh hakam B.Yulcharaev o'yinga qo'shib bergan qo'shimcha besh daqiqasida yosh qarshilik futbolchilardan biri o'z jarima maydonchasi ichida qo'pollik ishlatdi deb topilib mehmonlar darvozasi tomon penalt belgiladi. Natijada xorazmlik futbolchilar penaltni aniq amalga oshirib, o'z maydonida kichik 1:0 hisobida g'alaba qozonib va muhim uch ochkoni qo'lga kiritishdi.
“Nasaf-2” jamoasi tarkibida to'rt nafar “Nasaf” futbol maktabi 1999-2000 yillarda to'g'ilgan tarbiyalanuvchilari ushbu bahsda debyut qildi.
Bular davozabon Amir Lutfullaev, himoyachi Temur Nabiev, yarim himoyachi Saddam To'xtaev va hujumchi Orif Murodov.
Fahriddin Choriev.
