Мурод Исмоилов: "Ҳакамлик нозик мавзу..."

"Аввало мана шундай оғир об-ҳавода майдонга тушиб футбол ўйнаган йигитларга раҳмат айтмоқчиман. Ташқарида ўтирган одамга иссиқ эди, майдонга тушиб югуриш эса умуман оғир эди. Ҳар иккала жамоа футболчилари яхши ўйнашди. Шогирдларим яхши ҳаракат қилишди, гол ҳам уришди, аммо бу голимиз инобатга олмади. "Насаф" жамоаси ҳам бугунги ўйинга пухта тайёргарлик кўришган экан. Бугунги ўйин танаффусдан кейинги илк учрашувимиз эди, шу боис футболчилар бироз секинроқ ҳаракат қилишди", - дейди Исмоилов.

"Олдинги Боянни биз ҳам "қидираяпмиз". Аммо жароҳат олиб икки йилни ўтказиб юборгани олдинги ҳолатига қайтиши қийин бўлади. Бундан ташқари унинг ёши ҳам ўтди, олдинги ҳолатига чиқиши учун кўп тер тўкиши керак бўлади".

"Ҳакамлик жуда нозик масала. Улар ҳақида гапирмай қўя қолайлик".

"Бугун биз икки ҳужумчи билан ўйнадик. Кейинги ўйинларда бундай тактикани ўйининг бошидан амалга оширишимиз мумкин".