- Qiyin uchrashuv bo'ldi. “Nasaf” jamoasini mag'lub etishimiz ham mumkin edi. Biroq yakunda omad biz tarafda bo'lmadi va g'alabani boy berdik. Xar ikkala jamoa ham uch ochko uchun juda jiddiy kurashdi. “Nasaf”ga qarshi bellashuvda jamoadoshlarim borini berib, qo'ldan kelgancha harakat qilishdi. Lekin baribir durang natija bo'lishi nasib qilgan ekan. Amalga oshirilmagan penalti borasida nima deyish mumkin? Balki penaltidan gol urganimizda keyinroq qarshiliklar uchinchi javob to'pini ham kiritishlari mumkin edi. Xullas, durang bo'ladigan kun ekan, - deya ta'kidladi “Neftchi” hujumchisi.
- To'g'risi bahs so'nggida oyog'imda og'riq his qildim. Shuning uchun murabbiyda meni almashtirishni so'radim. Shu o'rinda bizni “Istiqlol” stadionda qo'llab-quvvatlagan barcha muxlislarga rahmat aytmoqchiman, - dedi Murod Bobojonov “Neftchi” matbuot xizmati bergan intervyusida.
Hojiakbar Jabborov yozib oldi.
