UZ

Сўнгги янгиликлар

22:12123 сония ва "Манчестер Юнайтед"нинг шармандалиги  0 21:58Пол Скоулз: "Манчестер Юнайтед"га етакчилар керак"  6 21:30МЮ собиқ футболчиси: "Моуриньони Рождествогача хайдаб юборишса керак"  6 20:54Расман: "Лестер" ярим ҳимоячиси билан шартномани узайтирди  0 20:25ПРО-лига. "А" гуруҳи. 22-тур. "Сурхон" - "Андижон" 0:3 ва бошқа натижалар  45 20:22"Алавес" билан ўйинда "Барселона"да клуб тарихидаги энг қиммат захира ўриндиғи қайд этилди  8 20:09Купер "Локомотив"нинг 10 футболчисини миллий термага чақирди  38 19:48"Барселона" август охирида "Аякс" ўйинчисини сотиб олиши мумкин  1 19:45Осиё ўйинлари. Ўзбекистон нимчорак финалда Гонконг билан ўйнайди  46 19:16МЮнинг "Брайтон"дан учраган мағлубиятига бағишланган карикатура  4 18:45Алексис Санчес "Тоттенхэм"га қарши баҳсда иштирок эта олмаслиги мумкин  1 18:38"Odil Junior" футболчиси Италияга боради  2 18:15"Хотира-79" клуби тарихга айланадими?  2 18:14УЕФА 2017/18 мавсумнинг энг яхши футболчиси номи учун уч номзодни эълон қилди  38 17:58"ChaCha Мустақиллик Кубоги". 2006 йилда туғилган футболчилар ўртасидаги финал (ВИДЕО)  2

Моуриньо — 55 ёшда! Унинг 5та яхши ва 5та ёмон ишлари Янгиликлар

Моуриньо — 55 ёшда! Унинг 5та яхши ва 5та ёмон ишлари

Мана бугун бутун дунёга донғи кетган бош мураббий Жозе Моуриньонинг туғилган куни билан уни қутлаймиз.

Шу муносабат билан унинг 5та хайрли ишлари ва 5та жанжаллари ҳақидаги маълумотларни эътиборингизга ҳавола этамиз.

5та хайрли ишлари

Саратонга қарши курашиш фонди


Бир неча йил аввал собиқ инглиз ҳаками Марк Халси автобиографик китобини нашр этиб, унда Моуриньо ҳақида қизиқарли фактларни ҳам айтиб ўтган эди. Китобдаги маълумотларга қараганда, ҳакамнинг турмуш ўртоғи лейкемия касаллиги туфайли узоқ вақт даъволанган. Бундан хабар топган Моуруньо дўсти Халсининг ҳам, унинг аёлининг ҳам, барча ҳаражатларини ўз бўйнига олган ҳолда, уларни Португалиядаги соғломлаштириш оромгоҳига юборган.

Моуриньо ҳақидаги яна бир китобнинг муаллифи Роберт Бисли эса шунга ўхшаш бошқа ҳикояни ҳам айтиб берган. Китоб учун интеврью гонорарини қайси ҳисоб рақамига ташлашни сўрашганида, Жозе “Марк Халсининг саратонга қарши курашиш фонди”га дея жавоб берган.


Мухлис совғаси

2014 йил Моуриньо бошчилигидаги “Челси” Лига Кубоги доирасида “Шрусбери” меҳмони бўлган. Мураббийлар дам олишга ҳам вақти бўлмайди, айниқса сафарлар пайтида. Аммо, Моуриньо 11 ёшли мухлиси Ллойд Бертон билан учрашишга вақт топди. Бола миядаги ўсимта туфайли ногиронлар аравачасига “михланиб” қолган эди. Ллойд юролмаса ҳам, ажойиб суратлар чиза оларди. У Моуриньонинг портретини чизиб, уни кумирига совға қилган. Жозе эса бу ерда ақл билан иш кўриб, суратнинг пастки қисмига дастхат қўйган ва портретни “ким ошди савдоси”да сотган. Йиғилган пулга эса Ллойднинг даъволаниши учун махсус ускуналар сотиб олган.



10 киши таҳсил олиши учун махсус ёрдам

Моуриньо “Реал”да ишлаган пайтида, ўғли Жозе Мариу спорт мактабидаги “Канильяс” клубида шуғулланган. Моуриньо ўғлидан бир нечта бола молиявий шароити туфайли клубдан кетаётгани ҳақида эшитиб қолади. Шундан сўнг, Моуринью “Канильяс” клубининг ҳисоб рақамига 8 минг евро (бу сумма 10та боланинг йиллик ҳаражатларини қоплаш учун етарди) ўтказиб берган.


Иш ҳақининг 1 фоизи

“Манчестер Юнайтед” ярим ҳимоячиси Хуан Мата ўтган ёзда фойдали флешмобни йўлга қўйди. Унга кўра, бутун дунё бўйлаб футболни ривожлантириш “Common Goal” ҳайрия фондига ҳар ой маошининг 1 фоизини ўтказишини маълум қилган. Акцияга тез орада бошқа иштирокчилар ҳам қўшилди. Жумладан, Хуммельс, Кагава, Кьеллини, Гнабри, АҚШ терма жамоаси аёл футболчиси Алекс Морган ва ҳоказо. Шу қатори Моуриньо ҳам. У маошининг 1 фоизини фондга ўтказиб берган. Агар Британия ОАВ берган маълумот тўғри бўлса, унда Жозе йилига 14 миллион евро маош олади. Бундан кўриниб турибдики, у ҳайрия фондига ҳар ой таҳминан ўн бир ярим минг евродан пул ўтказган.


Мухлисга совға қилинган медал

МЮ ўтган ёзда, УЕФА Суперкубогида, “Реал”га мағлуб бўлди. Кўпчиликка маълум, Моуриньо мағлубиятларни ёқтирмайди. Англия-2015 Суперкубогида унинг жамоаси “Арсенал”га қарши баҳсда ютқазиб қўйганидан сўнг, у медални трибуна томонга отиб юборганди. Аммо, Лондон клубининг мухлиси медални ушлаб олган. Бу сафар эса Моуриньо бироз бошқачароқ йўл тутди: бўйнидаги медални олиб, уни МЮнинг ёш мухлисига ҳадя қилди.

— Ҳатто ғалабадан кейин ҳам медалларни ўзимда олиб қолмайман. Мағлубиятдан кейингиси ҳақида эса гапирмаса ҳам бўлади... Ўша пайт ёш болакайга совға қилганим сабаби, у мукофотни эсдалик сифатида сақлаб қўяди. Ўйлашимча, у буни ҳеч қачон унутмайди, — дейди “қизил иблислар” мураббийи матбуот анжуманида.



5та жанжаллари

“Асабимга тегма, кўзингга қўлимни тиқиб оламан”

Ҳеч кимга сир эмаски, португалиялик фаолияти давомида можароли вазиятлар, келишмовчилик ва жанжаллар кўпроқ бўлган. Улар орасида 2011 йилги класико “можароси” ажралиб туради. Ҳакам томонидан қўшиб берилган дақиқалар ўтиб бораётган бир паллада, майдонда яна жанжал келиб чиқди. Ҳакам футболчилар ва мураббийларни тинчитиш билан овора бўлиб юрганидан фойдаланган Жозе, кулиб туриб, Пепнинг ёрдамчиси Тито Виланованинг кўзига бармоғини тиқиб олади. “Барса” мураббийи провокацияга учмади ва “жангни” давом эттирмади. Кейинги кун эса Моуриньо ОАВда чиқиш қилиб, Титодан узр сўради. Тито оламдан ўтганидан кейин айнан Жозе биринчилардан бўлиб Тито оиласига таъзия билдиради.


“Омадсиз” Раньери

2004 йилда “Стэмфорд Бриж” Раньери билан жуда хунук хайрлашади ва унинг ўрнини ҳали унчалик машҳур бўлиб улгурмаган Моуриньо эгаллайди. Қизиққон португал ҳамкасбини қўллаб-қувватлаш ва унга омад тилаб қўйиш ўрнига, Раньерини “деворга михлаб қўя қолади”: “Челси” ғалаба қозонишни, мусобақаларда зафар қучишни истайди, аммо Клаудио бунга қодир эмас, уни омадсиз деб аташларига мен сабабчи эмасман”.
Кейинчалик ҳам Моуриньо бир неча бор италияликни “ширин” сўзлар билан сийлаб ўтди... Аммо, икки йил аввал Раньери кучли жавоб қайтарди. Мураббий АПЛда ғолиб бўлди. Лекин, кейинги мавсум Клаудиони “Лестер” раҳбарлари ишдан бўшатишди ва Моуриньо ҳамкасбини қўллаб-қувватлашга ошиқди: “Англия Чемпиони ва ФИФА талқинига кўра дунёнинг энг яхши мураббийини ишдан хайдашди. Замонавий футбол афсуски шундай. Клаудио, кулишда давом эт. Ҳеч ким сен ёзган тарихни ўчира олмайди”.


“Камп Ноу”даги хурсандчилик

Моуриньонинг энг ёрқин ғалабаларидан бири бу шубҳасиз — “Интер” билан “Барселона”ни енггани бўлган. 2010 йил баҳорида жавоб учрашувида италияликлар “Камп Ноу”да керакли натижани сақлаб қола олганларидан сўнг, Моур ўрнидан туради ва майдонга югуриб чиқади. “Барселона” футболчилари буни ҳақорат деб қабул қилишади, дарвозабон Вальдес шахсан ўзи бориб Моуриньони тинчитишга ҳаракат қилади, аммо бу ҳаракатлар бефойда эди. Жонли эфирдаги жонли жангни фақатгина ҳакамлар тўхтата олишади ва каталонияликлар дарвозабонини четроққа олиб кетишади.


Венгер билан “дуель”

Бу воқеа 2005 йилнинг февралида бошланганди. Ўшанда Моуриньо эндигина “Челси”ни қўлга олганди. Барчасини Венгер бошлаганди. Французга таркибда хорижлик футболчилар кўплиги ҳақида айтишганда: “Тўғрисини айтсам, мен “Челси” таркибида, “Арсенал”дагидан кўпроқ инглиз ўйнаётганини сезганим йўқ. Уларда ўзлари ўстирган нечта футболчи бор эди? Битта Жон Терри-а?! Энди солиштириб кўринг, улар қанча соврин ютдию, биз нечта мусобақада зафар қучдик. Ана сизга жавоб”. Ўшандан бери икки мураббий бир-бирини кўришга кўзи, отишга ўқи йўқ. 2014 йил кузида эса иш гапдан, амалий ҳаракатларга ўтиб кетди. Майдон четида португалиялик французнинг ёқасидан олиб... Яхшиси буни ўзингиз кўрганингиз маъқул.


Аёл кишига нима бор?

Яна бир машҳур воқеа шубҳасиз 2015 йил ёзида бўлиб ўтган. Қизиғи, Моуриньо ўз клуби ҳодимига ташланиб қолади. “Челси” ва “Суонси” (2:2) ўртасидаги ўйиннинг  94-дақиқасида лондонликлар ярим ҳимоячиси Эден Азарнинг қорнига “яхшилаб” тепиб олишади. Буни кўрган “кўклар” шифокори Ева Карнейро белгияликка ёрдам бериш учун майдонга ўқдек учиб тушади. Бундан Моуриньонинг “қон босими” ошиб кетади ва мураббий қандай қилиб майдонга чиқиб қолганини сезмай қолади.

Натижада Карнейро “Челси”ни тарк этади. Аммо, Моуриньо учун барчаси унданда ёмонроқ якун топади. Бир неча ой ўтиб, Жозе қониқарсиз натижалар туфайли ишдан озод этилади. 2016 йил июнь ойида Карнейро ва “Челси” ўзаро тил топишади ва айтишларига қараганда, Ева бунинг учун клубдан 1,2 миллион фунт бонус пули олади.



Нозима Зарипова таржима қилди

Рейтинг: +24   

Фикрлар

+6   
26 янв 22:17:04
Beto
Meniyam tugilgan kunim bugun
+5   
26 янв 22:33:46
J a S u R UZBEK
Harakteri og'irligi, allambalo qiliqlari borligi, ko'pchilikni g'ashiga tegishi To'g'ri. Lekin qilgan yaxshi ishlari uchun ham hurmat qilishga loyiq ekan (men uchun).
+4   
26 янв 23:16:21
Barselona.fcb.
Baribir zur murabiyda. Muylovingga bit tushkirdan 10000 marta yaxshi
+4   
26 янв 22:11:32
Аброрбек
Шуфхасиз мактабда хам биринчи кузур булган.
+3   
26 янв 22:25:30
Shukhratkhuja Sadikov
Beto фойдаланувчининг фикрига жавоб бериш
Meniyam tugilgan kunim bugun
Happy birthday to you
+3   
26 янв 22:20:35
Pfc mash'al
futbol olamidagi eng tushunish qiyin bòlgan inson. Happy birthday Mour
+2   
26 янв 22:38:01
buyodkor fc vs real madrid
Хабарингиз бор Қаршининг “Насаф” клуби ОЧЛдаги юришини плей-офф босқичидан бошлайди. Улар 30 январ куни Қаршида Иорданиянинг “Ал-Файсали” клубини қабул қилади.SPORTS.uzинтернет ахборот порталига маълум бўлишича, “Насаф” жамоасининг мухлислар клуби ушбу ўйин учун алоҳида тайёргарлик кўрмоқда.Мухлислар мазкур ўйиннинг 80-дақиқасидаЎзбекистон Республикасининг Биринчи Президенти – Ислом Каримов таваллудининг 80 йиллиги муносабати билан биринчи президентимизни ёдга олишади.Эслатиб ўтамиз, “Насаф” – “Ал-Файсали” ўйини 30 январ куни соат 16.00 да старт олади
+2   
26 янв 22:31:52
Qobil qassob
Beto фойдаланувчининг фикрига жавоб бериш
Meniyam tugilgan kunim bugun
Tabriklayman tug`lgan kuniz bilan 1000larga kirib yuring, asabizzi asrang, birovlarnikiniyam buzmang.
+2   
26 янв 22:31:32
Qobil qassob
Beto фойдаланувчининг фикрига жавоб бериш
Meniyam tugilgan kunim bugun
Tabriklayman tug`lgan kuniz bilan 1000larga kirib yuring, asabizzi asrang, birovlarnikiniyam buzmang.
+1   
26 янв 22:04:08
Shukhratkhuja Sadikov
Eng yomon ishi bu de bruyne bn saloh shurle eng yaxwisi lukaku
   
01 фев 08:15:48
ibrohim musaboyev
Mour menga yoqmaydi! U maydonda futboll ketoyatkanini unitib quyadi o'z hissiyotlariga erk bervoradi. Lekin haqiqiy psixolog futbollchilarga jangovor ruhiyat berolidi.
   
27 янв 19:54:28
SIRA
Дунёдаги 1-ракамли мурабий
   
27 янв 13:28:00
Beto
FC.NEFTCHI фойдаланувчининг фикрига жавоб бериш
tabriklaymiz
Rahmat
   
27 янв 13:27:32
Beto
SHOH.MAN_UNITED фойдаланувчининг фикрига жавоб бериш
Табриклаймиз умрингиз узоқ бўлсин.
Rahmat
   
27 янв 13:26:31
Beto
Shukhratkhuja Sadikov фойдаланувчининг фикрига жавоб бериш
Happy birthday to you
Rahmat
championat.asia
< сўнгги янгиликларни кўриш

Энг яхшилар

Суперлига. "Пахтакор" - "Насаф" 4:0, "Қизилқум" - "Навбаҳор" 2:0 Суперлига. "Пахтакор" - "Насаф" 4:0, "Қизилқум" - "Навбаҳор" 2:0
Бугун Суперлигада 22-турдан ўрин олган сўнгги икки учрашув бўлиб ўтди.  268
Осиё ўйинлари. Ўзбекистон гуруҳда 100 фоизли натижа қайд этди Осиё ўйинлари. Ўзбекистон гуруҳда 100 фоизли натижа қайд этди
Осиё ўйинлари футбол мусобақасининг 3-туридан ўрин олган Таиланд -...  178
Суперлига. 22-тур. "Металлург" кучли олтиликка кирди, "Қўқон-1912" Фарғонада мағлуб бўлди Суперлига. 22-тур. "Металлург" кучли олтиликка кирди, "Қўқон-1912" Фарғонада мағлуб бўлди
Бугун Суперлиганинг 22-туридан ўрин олган тўртта ўйин бўлиб ўтди.  172
Купер Гадоев ва Турсуновни терма жамоага чақирди Купер Гадоев ва Турсуновни терма жамоага чақирди
Сентябрь ойида Ўзбекистон терма жамоаси Сурия ва Эрон билан ўртоқлик...  86
������.�������

CA ни Facebook да ўқиш
учун "Yoqdi"ни босинг