Миржалол Қосимов: "Тан оламан таркиб танлашда хато қилдим"

"Бугун оғир ўйин бўлди. Биринчи бўлимда икки тўп фарқи билан мағлуб бўлганимизга сабаб бу менинг бошланғич таркибни танлашда хатога йўл қўйганим бўлди. Аммо футболда хатосиз бўлмайди, вақтида ушбу хатони тўғирлашга ҳаракат қилдик. Бугун Нестеров жамоамиз жонига оро кирди, унинг Нагаевнинг зарбасини қайтаргани жамоага катта руҳий кўтаринкилик берди. Иккинчи давра ўйинлари бошланди. Кучли ўйинлар орқали футболчилар тезда ўз формаларига кириб олишади. Кейинги ўйинларда яхшироқ ўйин кўрсатишга уринамиз. Таркибга секин аста Сардор Рашидов ва Алибобо Раҳматуллаев каби ёшларни қўшиб борамиз. Анвар Бердиев тажрибали ҳужумчи, жамоага киришиб кетишига футболчилар ёрдам беришади. У анча вақт майдонга тушмагани учун бугун у қадар ёрқин ўйнай олмади", - дейди Миржалол Қосимов.