Миржалол Қосимов: "Осиё Кубогига жуда кам вақт қолди"
17 ноя 2014 21:21
Янгиликлар

Миржалол Қосимов: "Осиё Кубогига жуда кам вақт қолди"

Ўзбекистон миллий терма жамоаси Осиё Кубоги-2015га тайёргарликни давом эттирмоқда.

Жамоамиз бош мураббийи Миржалол Қосимов навбатдаги йиғинлар ҳақида ўз фикрларини билдирди.

"Мусобақага жуда кам вақт қолди. Шу боис ҳар бир кундан унумли фойдаланиб қолишимиз керак. Дастлаб 24-29 ноябрь кунлари Тошкентда қисқа муддатли йиғин ташкил қиламиз.

Сўнгра 1 декабрдан 14 декабрга қадар Дубайда ўқув-машғулот йиғинини ташкил этамиз. Бу йиғин доирасида икки-уч учрашуви ўтказамиз. 10 декабрда Қувайт, 13 декабрда Фаластин билан ўйинлар бўлиши аниқ.

17-29 декабрь кунлари Дубайдаги иккинчи йиғин бўлиб ўтади. 20 декабрда Иордания, орадан беш кун ўтиб Ироқ, 28 декабрда яна Ироқ терма жамоаси билан ўртоқлик учрашуви бўлиб ўтади.

Кейин Янги йил байрами муносабати билан йигитларга 3 кун дам берилади. 2 январь куни Осиё Кубогида иштирок этиш учун Австарлияга йўл оламиз", - дейди Миржалол Қосимов.

Ҳавола :

Манба : championat.asia

Янгиликларни Телеграмда ўқинг!

Рейтинг: