UZ

Сўнгги янгиликлар

16:45Верон: "Месси Марадона эмас. Леонинг пешонасига етакчи бўлиш ёзилмаган"  9 16:40ЎФА Вадим Абрамовни кечирди  27 16:39Швеция терма жамоаси ҳужумчиси жазоланиши мумкин  2 16:03"Спартак"нинг янги футболчиси таништирилди  1 15:47"Россия - жуда кучли эмас". Уругвай матбуоти руслар ҳақида қандай фикрда  10 15:34Болалар футболи. Самарқандда "Амир Темур", Фарғонада "Ал Фарғоний" номидаги мусобақалар ўтказилади  1 15:19Бугун Саудия Арабистони - Миср учрашувида тарихий рекорд гувоҳига айланамизми?   8 14:50Австралия терма жамоасининг қувноқ машғулоти (ВИДЕО)  4 14:19ЖЧ-2018. Дастлабки икки тур статистикаси  19 14:11Бразилия терма жамоаси футболчиси ЖЧ-2018 ярим финалигача ўз жамоасига ёрдам бера олмайди  20 14:05Нобель Арустамян: "Агар Черчесов фикридан қайтмаса, Жирков, Фернандес ва Головин бугун ўйнамайди"  4 13:56Суперлига клублари футболчиларидан жисмоний тайёргарлик бўйича норматив қабул қилиш бошланди  9 13:54"Ливерпуль" Асенсио учун 180 млн. евро таклиф қилишга тайёр  18 13:45ЖЧ-2018. 2-тур рамзий терма жамоаси  6 13:40Эрон терма жамоаси мухлислари Роналду ухлашига ҳалақит беришди (ВИДЕО)  29

Миллий терма жамоага бош мураббий қанчалик тез керак? Янгиликлар

Миллий терма жамоага бош мураббий қанчалик тез керак?

Ўзбекистон миллий терма жамоасига бош мураббий қачон олиб келинади? Ҳозир кўпчиликни қизиқтираётган савол шу.

Тушунаман, бу жараённи ҳамма сабрсизлик билан кутиб турибди. Бироқ мен айнан ҳозир керак, деб туриб олишни истамасдим. Менга қачон келиши эмас, қандай мураббий келиши муҳимроқ. Чунки олдинда Ўзбекистон термасини ҳеч қандай жиддий ўйин кутмаяпти.

Карлуш Кейруш?

Агар ЎФА Кейрушни кўндира олса, у айни вақтда Ўзбекистон миллий терма жамоаси учун энг муносиб номзод. Биринчидан, Осиё футболини яхши билади. Иккинчидан, Ўзбекистон футболини яхши билади. Учинчидан, мундиалга қандай қилиб боришни билади. Ортиқча гапга ҳожат йўқ.

Кўпчиликда ҳадик бор, ҳазиларалаш бўлса-да, Равшан Ҳайдаров ёки Мирко Йеличич бош мураббий бўлиб қолмасин-да деб қўяётганларни топиш қийин эмас. Бири натижа кўрсатди, иккинчиси натижа кўрсатаётган хорижлик мутахассис. Аммо ЎФА ғирром ўйин қилмоқчи эмас. Яхши натижа учун миллионларни аямаётган ташкилот чиндан ҳам топ мутахассисни олиб келади, бунга тўла ишонаман. Бироқ ҳаммаси ҳам биз ўйлаганчалик осон эмас.

Нега?

Айтайлик, Ўзбекистон миллий терма жамоасини қабул қилиб олиши мумкин бўлган мутахассис мундиалда иштирок этади. ФИФА йўриқномасига кўра, ҳар қандай футболчи ва мураббий шартномаси якунига ярим йил қолганида ўзига бўлаётган таклифларни ўрганиб чиқишга ва музокара олиб боришга ҳақли. Умид Аҳмаджонов ишонч билан гапираётганидан маълумки, музокара аллақачон бошланган. Мураббийлар эса асосан ЖЧ якунига қадар шартнома имзолаган бўлади. Мундиалга ярим йил қолгани инобатга олинса, демак, ҳаммаси тўғри йўлда.

Бироқ катта мусобақага тайёргарлик кўраётган мураббий учун ортиқча гап-сўзлар керак бўлмайди. Нима демоқчиман, музокара ўтказаётган томон катта эҳтимол билан ЎФАдан ҳеч нарсани эълон қилмай туришни сўрайди. Бу билан у айни вақтдаги жамоаси фикрини бўлиб қўймайди, ўзи фаолият олиб бораётган мамлакат матбуотига мавзу топиб бермайди ва мундиалга бемалол тайёргарлик кўради. Шундан келиб чиқилса, ЎФАни шошириш ҳам у қадар тўғри бўлмайди. Чунки ташкилот ўша номзодни олиб келишга чиндан ҳам аҳд қилган бўлса, унинг шартларига кўнишга мажбурдир. Мана шундай пайтда Евро—2016 вақтидаги Италия термаси ва Антонио Конте ёдга тушади. Биз ўшандаёқ мураббийнинг кейинги манзили "Челси" экани ҳақида билиб бўлгандик. Яъни, мусобақа бошлангач, ҳеч нимани яширишга ҳожат қолмайди. Балки бизда ҳам шундай бўлар...

Кўрсатилган номзодлар-чи?

Бизга тақдим этилган 9 нафар номзод варианти чиндан ҳам ўрганиб чиқилган. Ўзбекистон ва Осиё футболи ҳақидаги тасаввурларидан тортиб, мақсади-ю, қанча маош олишни исташигача кўрилган. Бу оддий бир жараён, унга жиддий эътибор бериш шарт эмас. Муҳими — ЎФА ўзи учун керакли кадрни топа олганида. Бош ролга ким раво кўрилаётгани аниқ, у расман эълон қилинмаётган бўлса-да, тайёргарлик ишларигина қолган. Биз эса яхши фильм трейлерини кутишга мажбурмиз. Съёмка жараёнлари қандай бўлгани ҳақида ЖЧ вақтида ёки ундан кейин билармиз балки.

Унгача терма нима қилади?

ЎФА 2018 йилдан бошлаб мамлакат бош жамоасига бошқача эътиборда бўлади. Мундиалга тайёргарлик кўраётган икки терма жамоага қарши ўртоқлик ўйинлари аллақачон келишиб қўйилгани ҳам шундан далолат беради. 27 март куни миллий терма Марокашда саф тортса, 18 май куни Теҳронда Эрон меҳмони бўлади. Мендаги норасмий маълумотларга кўра, йил якунига қадар яна 2 та топ терма жамоага қарши ўртоқлик ўйинлари ўтказилади. Шунинг ўзиёқ олдинга қадам демакдир.

Мураббий масаласида эса катта муаммо кўраётганим йўқ. Гап Рўзиқул Бердиевнинг яна олиб келиниши ёки бошқа масалада бормаяпти. Бизга номини айтишга шошилмаётган мутахассис катта эҳтимол билан март ойининг биринчи декадасига қадар ёрдамчиларини Тошкентга юборади. Яъни, жараён бошланади. Жаҳон Чемпионати якунига етгачгина, барчаси жиддий тус олади ва биз кутаётган мураббийнинг ўзи етиб келади. Бунда қандайдир ғалатилик кўраётганим йўқ. Аксинча, ЎФА фақатгина ишсиз юрган кимлар биландир алоқа ўрнатмай, олдида жиддий вазифалари бор мутахассисга чиндан ҳам чиқиш қилган бўлса, буни олқишлаш керак. Аслида профессионал иш шундай бўлади. Бу дуч келган кимнидир олиб келиб, масъулиятни соқит қилиш эмас, бу айнан танлаб олинган кишини кўндириш учун бор имкониятни сафарбар қилишдир.

Ёрдамчилар эса Ўзбекистон футболи ҳақида тинимсиз маълумот тўплайди ва эҳтимолий бош мураббий билан алоқада бўлади. Яъни, мамлакат футболини таг-томири билан ўрганиш жараёни бошланади ва шунинг ўзиёқ олдинга қадамдек кўринади. Менимча, Кейрушга ҳам, Осиё футболини яхши билган бошқа мутахассисга ҳам Ўзбекистон варианти анча қизиқ бўлади.

Муҳими, тепадагиларнинг ҳам эл қатори олдинги муносабатдан ҳафсаласи пир бўлган. Ҳозирча фақат яхшисидан умид қилиб турибман. Балки шунга ҳам шошилмаётгандирман.

Муаллиф : Diyor Imomxo‘jayev
Рейтинг: +119   

Фикрлар

+27   
07 фев 10:17:48
SARVARBOSS 545
Кискаси КЕЙРУШ ОСИЁ футболини тушуниб етди. Кайси Терма жамоа кандай уйнашини билади. УЗБ Кореяни,Японияни,Австралияни ,хаттоки Эронни кандай маглуб этишини КЕЙРУШ билади. УФА хам жиннимас улар хам биздан ЯХШИРОК билади. ЖЧ18 тугаши бн керак бизга. ТАМОМ.
+17   
07 фев 10:37:58
Saxiy
Ex noshukur odamlar issiq bzlsa issiq deysilar, sovuq bo‘lsa sovuq deysilar. Silarga nima kerak o‘zi? Chetdan murabbiy dedinglar mana silarga murabbiy, endi nimaymish unin o‘yin uslubi zerikarli emish. Ey barakatopgurla silarga chiroyli o‘ynab 6:0 ga yutqizgan yaxshimi? Yoki ximoyaviy o‘ynab 1:0 ga yutgan yaxshimi. Xozir zamonaviy futbolda eng muximi natija. Keyrush bizga natija qilib bera oladigan, ayyor va o‘z ishini bilib qiladigan murabbiy, eng muximi bizga bir umr armon bo‘lib kelayotgan mundialg qanday chiqishni biladi. Mayli bizga 11 kishi bo‘lib ximoyda o‘ynasin lekin, shu padariga lanat mundialga bir marta chiqaylik, axir xamma o‘zbek?futol muxlislarining orzusi shu emasmi?
+11   
07 фев 10:00:23
Ruhiddin
Демак хавотирга ўрин йўқ. Хаммаси яхшиликка бизга хам насиб этсин 2022 МТЖ.га йўланма. (Расмни хам топиб қўйибсизда Диёржон 2 ой сабр деяпдими Карлос.)))
+8   
07 фев 10:02:14
ИКАРДИ
AbrorAhmad фойдаланувчининг фикрига жавоб бериш
"Заказной"!))) ЎФА мухлисларни қандай аллалашни билади! Диёржон эса ижросидалар... САФСАТА!!! ВСЕ журналист "кечиктирсин"-деб турса-я? Диёр сан футбол (Ўзбек футболи) душманисан!!!
Билиб билмай гапирма огайни,сен уйлаятган гап нотугри. Купчиликни фикрини булгама Диёр тугрисида
+7   
07 фев 10:31:36
J a S u R UZBEK
Keyrush dunyo reytingida Eronni Osiyoning birinchi raqamli terma jamoasiga aylantirganini hisobga olsak, yomon variant emas. Qolganini vaqt ko'rsatadi...
+6   
07 фев 10:29:35
123456
менимча бизга Гвардиола керак тўғрими, Эронни натижаларига қаранг, Жамоа 1998 йилда факат мўжиза туфайли ЖЧга чиккан унда Эрон ўз тарихидаги энг кучли таркибга эга эди. Али Даи, Хододат Азизий, Карим Багири Осиёнинг энг кучли ижрочилари, шу авлодга факат 1 марта унда хам кандайдир 5 дакика ичида урилган туфайлигина насиб этган. Кейруш эса нисбатан кучсиз авлодга эга Эронни 2 марта яна ишонч, мутлоқ устунлик билан ЖЧга олиб чиқди. Кейруш осиёда ишлаган европалик мураббийлар ичида энг омадлиси, бу аниқ Агар Кейруш келса, унинг ишига хеч ким аралаша олмайди. Бундан ташқари Кейруш бу бренд, У дунёнинг энг кучли клубларидан бўлган Реал Мадрид, Манчестир Юнайтедда ишлаган, Португалия терма жамоасини бошқарган. Ўзбекистон терма жамоасини унчалик яхши билмаганлар Кейрушни жуда яхши билишади. Уни натижалари ва статистикаси топ клублар иш столида доим туради бу ҳам катта плус
+6   
07 фев 10:25:59
,,Bayern M vs Real Madrid''
Диер фикриз 100% тугри! Кейруш энг муносиби жуда аклли, айер, Осие футболини сув килиб ичворган. Баъзилар бумеди химоявий тактика килади дейишяпти, хаммасини дарвозага куйиб уйнатмедими жч га олиб чикса булдида. Бизга энг бош огрик Эрон Кореяларни сирини кандай ютишни билади. Кутиш керак 4 ойхам бир паста утиб кетади. Шунча кутган яна кутамиз
+5   
07 фев 10:35:51
gayupov quandiq
УФАга омад
+4   
07 фев 10:03:14
abror
админлар эрон матбуотини хам бир куриш керак улар нима деяпди экан
+3   
07 фев 10:37:05
царь справедливости
Keyrushning himoyaviy o'yin ko'rsatishi unchalik yoqmaydi deyapmiz, lekin biz xaqiqiy himoyaviy o'yin qanday bo'lishini bilmaymizku!? Babayan qibergan himoyaviy o'yin o'yin emas bu futbolamas. Xudo xoxlasa Keyrush avlodlar almashinuvi qilib beradi bizga u aynan shuning uchun kerak. Bundan tashqari bunday top murabbiy futbolchilarni qanday qilib top darajaga olib kelishni biladi
+3   
07 фев 10:09:09
Djurayev1973@mail.ru
Харидорга чек бермаган тадбиркор ёки йўл қоидасини бузган хайдовчига отни калласидек жарима солинади. Футбол тепасидаги собиқ рахбарлар милярд доллардан халқни пулини олиб кетса хам , чора йўқ. Ўша пулларни улардан ўндириб, футбол ривожига сарифлаш керак. У пулларни топишни бизни орган ходимлари жуда яхши билишади...
+3   
07 фев 10:00:45
Abubakr 95
Keyrush ketma-ket 2marta O'zbekistonni jahon chempionatga olib chiqaman deyaptimi??? Yoki ikki marta osiyo chempioni qilaman deyaptimi??? Yoki 2-martda 2yordamchimni jonataman deyaptimi??? Nima bolsa ham yozganlarimni pastdan tepaga bolgan yonalishda o'z ishi bilan biz muhlislarga hursand qilsin. Hudo hohlasa O'zbekiston osiyoda N1bo'ladi
+3   
07 фев 09:52:20
Шухрат
Манимча ростан келади Кейруш. Ман ишон билан айтаман олдинги иккита Ж-Ч саралашида Узбекистон МТЖ га Кейрушдака мураббий йетишмаганди
+3   
07 фев 09:49:58
faxr uzb
НИМА БУЛГАНДА ХАМ ФУТБОЛИМИЗ ОЛДИНГА КАДАМ ТАШЛАСИН!!!
ЧИРОЙЛИ ВА МАЗМУНЛИ ФУТБОЛ КУРАЙЛИК...
ИЛОХИМ, ЖЧ.ГА ЧИКАЙЛИК!!!
+2   
07 фев 11:59:02
beseda
диер жонинг сог булсин укам тинч хотиржам сог саломат булгин доим
championat.asia
< сўнгги янгиликларни кўриш

Энг яхшилар

ЖЧ-2018. Германиядан супер иродали ғалаба ЖЧ-2018. Германиядан супер иродали ғалаба
ЖЧ-2018 иккинчи туридан ўрин олган Германия - Швеция учрашуви бўлиб...  210
ЖЧ-2018. Аргентина – Хорватия 0:3 ЖЧ-2018. Аргентина – Хорватия 0:3
ЖЧ-2018 "D" гуруҳидан ўрин олга марказий учрашув Аргентина...  453
ЖЧ-2018. Бельгия яна йирик ҳисобида ғолибликка эришди ЖЧ-2018. Бельгия яна йирик ҳисобида ғолибликка эришди
Жаҳон чемпионатининг 2-тури доирасида Бельгия - Тунис учрашуви бўлиб...  105
ЖЧ-2018. Нигерия Аргентинадан очко олган Исландияни мағлуб этди ЖЧ-2018. Нигерия Аргентинадан очко олган Исландияни мағлуб этди
Бугун ЖЧ-2018 2-тури доирасида 3та учрашув ўтказилмоқда.  104
������.�������

CA ни Facebook да ўқиш
учун "Yoqdi"ни босинг