Superliga 23-tur uchrashuvini Qo'qonda o'tkazgan "Lokomotiv" 1:2 hisobida mag'lub bo'lgach, o'yindan keyingi matbuot anjumanida "temiryo'lchilar" ustozi ichidagini to'kib soldi. Mikael Sekeyraning aytgan gaplari o'zbek OAVda katta shov-shuv uyg'otdi.
Shuningdek, murabbiyning gaplari vatani Portugaliyada ham televideniya, saytlar va nashrlar e'tiborini tortdi. Xususan Portugaliyada chop etiladigan mashhur "A Bola" sport nashri Sekeyraning o'yindan keyin bildirgan fikrlaridan kelib chiqib maqola chop etdi.
Eslatib o'tamiz, portugaliyalik murabbiy o'yindan keyingi matbuot anjumanida bunday tizim va futbolga e'tibor bilan O'zbekiston hech qachon jahon chempionatiga chiqmasligini aytgan edi.
