"Металлург" янги мавсумда "Пахтакор"га жиддий чорлов ташлашга тайёр"

"Бу йилги трансфер компаниясидан кўнглим тўлди. "Пахтакор"дан Акбар Исматуллаев, Александр Лобанов, Станислав Андреевнинг трансфер ҳуқуқларини сотиб олдик. Камолиддин Тожиев эса эркин агент сифатида бизга қўшилди. Фақатгина иккита ёш футболчи Иброҳим Йўлдошев ва Суҳроб Нуруллоевни ижарага олганмиз.

Тўғри, ўтган йили 5 футболчи "Пахтакор"дан ижарага олинганди ва ўзаро баҳсларда мазкур футболчиларнинг хизматидан фойдалана олмаганимиз панд берганди. Шу тарафлама қийинчиликка дуч келгандик. Лекин мен бор ҳақиқатни айтишим мумкинки, майдонга тушган ёшлар соф виждон билан футбол ўйнашган. Буни мен бемалол юқори ишонч билан айтаман. Бу йили эса жамоамиз "Пахтакор"га катта чорлов ташлайди. Биз бунга тайёрмиз. Нафақат "Пахтакор", балки бошқа барча гранд жамоаларга ҳам "Металлург" кураш таклиф этишга қодир.

Жамоа олдидаги вазифа? Чемпионат формати ва жамоалари сони ўзгариб кетди. Эндиликда жамоамиз камида 7-ўриндан пастга тушиб кетмаслиги керак. Ҳозирча шуни айтишим мумкин", - деди Андрей Шипилов.

"Жепаровни Суперлигада ўйнашига рухсат бермаслик қонунан инсон ҳуқуқларини поймол қилиш билан баробар" — Шипилов

Суперлигадаги жамоалар сони ўзгаришини аввалдан сезган ва топган мураббий — Шипиловнинг қуръа ҳақидаги дангал фикрлари

Маълумот учун: Расман тасдиқланмаган маълумотларга кўра, "Металлург" "Пахтакор"дан сотиб олган 3 нафар футболчининг (Лобанов, Исматуллаев ва Андреев) трансфери учун 1 миллиарддан, жами 3 миллиард тўлаган.