"Metallurg" ikkinchi uchrashuvda mag'lubiyatga uchradi

21 fev 2014, 20:26
Bekobodning “Metallurg” jamoasi 20 fevral kuni xorij safariga rejalashtirilgan ikkinchi o'rtoqlik uchrashuvini o'tkazdi.
Payshanba kungi raqib Ukraina chempionati birinchi ligasi vakili Xarkovning “Gelios” jamoasi bo'ldi.

Ushbu uchrashuvda "konchilar" 1:3 hisobida mag'lubiyatga uchradi. O'yinda "Metallurg"ning yagona goli penaltidan kiritildi va bu gol muallifi  Hikmat Xoshimov hisobiga yozildi.

“Metallurg”ning 22 fevral kungi uchinchi o'yinda raqibi Armaniston chempionatida 14 uchrashuvda 19 ochko jamg'argan holda 4-o'rinda borayotgan “Bananc” jamoasi bo'ladi.

Eslatib o'tamiz, “Metallurg” Turkiyada birinchi o'yinni Rossiyaning “Sibir” jamoasiga qarshi o'tkazib, 1:0 hisobida g'alaba qozongandi. Bekobodliklardan yagona golni Mirg'iyos Sulaymonov kiritgan.

Manba: championat.asia