Shu kabi savollarga javob olish uchun PFL bosh direktorining sport ishlari bo'yicha o'rinbosari Diyor Imomxo'jaevga murojaat qildik.
- 2019 yilgi mavsum yakuniga etdi, 2020 yilgi Superligaga qur'a qachon qur'a tashlanadi?
- Qur'a marosimi sanasi PFLning 2019 yil laureatlarini taqdirlash marosimidan so'ng ma'lum bo'ladi. Taxminan yanvar oyi boshlarida o'tkazish rejalashtirilmoqda.
- Demak PFLning alohida taqdirlash marosimi bo'ladi?
- Albatta, dekabr oyi oxirlarida yilning eng yaxshilarini taqdirlash marosimi o'tkaziladi.
- A PRO-ligasida chempion bo'lgan Muborakning "Mashal" klubiga hech qanday kubok berilmagani haqida saytlarda xabarlar tarqaldi. Shu vaziyatga oydinlik kiritsangiz.
- "Mashal" klubiga PFLning 2019 yil laureatlarini taqdirlash marosimi vaqtida maxsus kubok va Superliga yo'llanmasi topshiriladi.
- Yangi mavsumda ham Liga kubogi bo'ladimi?
- 2020 yilda ham Liga kubogi o'tkaziladi. Faqatgina O'zbekiston kubogi va Liga kubogi formatlari o'zaro almashtiriladi. Bu holat oldindan rejalashtirilgan edi.
Narzulla Saydullaev suhbatlashdi
