Пешқадам "Машъал" Ғузорда "Шўртан" меҳмони бўлиб 1:1 ҳисобида дуранг ўйнади ва муддатдан аввал 1-ўринни ҳамда Суперлига йўлланмасини нақд қилиб қўйди.

Қуйи лигада мавсум якунланишига 2та тур қолди холос. Бу мавсумда А ПРО-лигада фақат биринчи ўринни олган клуб тўғридан-тўғри Суперлигага чиқади. Қолган ўринларни эгаллаган клублар хатто плей-оффда ҳам иштирок этишмайди.

"Ифтихор" клуби 24-турдан кейин А ПРО-лигадан четлатилгани боис ушбу клуб иштирокидаги охирги тўртта баҳсда техник мағлубият ёзилади ва рақиб клубларга 3 очкодан қўшиб қўйилади.

"Ифтихор" билан техник ғалабани қўшганда айни пайтда Асрор Алиқулов бошчилигидаги жамоа ҳисобидаги очколар сони 55тани ташкил этмоқда. Иккинчи ўриндаги "Истиқлол" охирги икки турда максимал очко олса ва "Машъал" умуман очко олмаса очколар тенглашади. Бундай вазиятда ўзаро ўйинларга қаралади. Бунда устунлик "Машъал" томонида: 2та ғалаба, 1 дуранг ва 1 мағлубият.

26-тур — 31 октябрь
"Оқ-тепа" - "Нефтчи" 2:1
Голлар: Жамшид Юсупов, 3 (1:0), Павел Пуришкин, 17 (2:0), Алишер Абдувоҳидов, 62 (2:1)

"Шўртан" - "Машъал" 1:1
Голлар: Шерзод Темиров, 28 (1:0), Аҳрор Иноятов, 65 (1:1)

"Истиқлол" - "Хоразм" 1:0
Гол: Сардор Сотиволдиев, 58 (1:0)

"Ифтихор" - "Шердор" -:+

27-тур — 6 ноябрь
Истиқлол - Оқ-тепа
Хоразм - Шўртан
Машъал - Ифтихор +:-
Шердор - Нефтчи

28-тур — 13 ноябрь
Оқ-тепа - Шердор
Нефтчи - Машъал
Ифтихор - Хоразм -:+
Шўртан– Истиқлол

"Машъал" Суперлигага қайтди!