Xorvatiya terma jamoasi sobiq o'yinchisi so'nggi vaqtlarda "Inter" va "Fiorentina" bilan bog'landi, ammo manba Marioning poytaxt klubini tanlaganini yozmoqda.
Manjukich Qatardagi faoliyatidan so'ng Yevropa futboliga qaytishni xohlamoqda. U "Roma" sardori Edin Jekonidan ko'ra kamroq maosh so'raydi. 34 yoshli futbolchi yiliga bonuslardan tashqari 4 million evro maosh oladi va 2 yillik shartnoma imzolaydi.
Manjukich qishda "Al Duhayl"ga erkin agent maqomida o'tgan va 2021 yilga qadar shartnoma imzolagandi. Futbolchi jamoa safida 7ta o'yinda maydonga tushib, 1ta gol urishga erishdi.
U bunga qadar "Bavariya", "Atletiko" va "Yuventus" klublari sharafini himoya qilgan. Xorvatiya terma jamoasida esa 89ta o'yinda maydonga tushib, 33ta gol urishga erishgan.
