"Манчестер Юнайтед" ва "Лилль" Йоро трансфери бўйича келишувга эришди

Манкунианликлар "Лилль" билан ҳимоячининг трансфери шартлари бўйича келишиб олди: трансфер 50 миллион евро белгиланган сумма ва 12 миллион бонусларни ўз ичига олади.

"Реал Мадрид" ҳам Йорога қизиқиш билдирмоқда, аммо уни эркин агент сифатида қўшиб олиш учун келаси ёзгача кутиши мумкин. Шу боис, "Лилль" учун афзал вариант футболчини "Юнайтед"га сотиш ҳисобланади.

Инглиз клуби 18 ёшли футболчининг вакиллари билан музокаралар олиб бормоқда. Йоро эса ҳали трансфер борасида бир қарорга келмаган.