"Манчестер Сити" ҳужумкор қанотларни кучайтирмоқчи ва шу сабабли клуб ҳозирда "Ювентус" сафида ижарада бўлган Кьезага эътибор қаратган. Олдинроқ Турин клуби футболчи билан хайрлашиш ниятида эмаслигини ва ҳаттоки "Челси"нинг 100 миллион евролик таклифини рад этгани айтилганди.
Эслатиб ўтамиз, Кьеза "Фиорентина"га тегишли ҳисобланади. Ҳозирда футболчи "Ювентус"да икки йиллик ижара асосида тўп сурмоқда. Ўтган мавсумда Федерико барча турнирларда 46 учрашув ўтказиб, 15 та гол урган ҳамда 11 голга узатма берган.
