"Манчестер Сити" жамоа вингери билан хайрлашишга тайёр

Боббнинг жорий трансфер ойнасида кетиш эҳтимоли ортди, чунки унинг асосий таркибга қайтиши Антуан Семеньо келганидан кейин янада қийинлашди.

Сўнгги бир ярим йил давомида Бобб спорт формаси ва ўйин амалиётида муаммоларга дуч келмоқда. Футболчига "Тоттенхэм”, "Кристал Пэлас" ва Дортмунднинг "Боруссия" клублари қизиқиш билдирмоқда.

Жорий мавсумда 22 ёшли норвегиялик футболчи барча мусобақаларда 15 та ўйинда майдонга тушиб, бирорта ҳам гол урмади, бироқ битта голли узатмани амалга оширди.

Боббнинг "Манчестер Сити" билан шартномаси 2029 йилгача мўлжалланган. Transfermarkt футболчининг нархини 25 миллион еврога баҳоламоқда.