Учрашувда ҳисобни 3-дивизион вакили бўлган "Лейтон Ориент" очган бўлсада, якунда манчестерликлар ғалабани илиб кетишди.
Ҳамюртимиз Абдуқодир Ҳусанов ушбу учрашувнинг 2-бўлим аввалида захирадан майдонга туширилди ва 56-дақиқада гол уриб ҳисобни тенглаштирди. Рико Льюиснинг кучли зарбаси Ҳусановнинг елкасига тегиб рақиб дарвозасидан жой олди. 79-дақиқада эса Грилишнинг заргарона пасидан кейин Кевин де Брюйне "Сити"га ғалаба келтирган голни киритди.
