Таниқли инсайдер Фабрицио Романонинг сўзларига кўра, "Челси" Норвегия чемпиони "Мольде"га ҳужумчи Датро Фофана учун 10 миллион евро тўлайди. Клублар ўтган мавсумда 15 та гол урган 19 ёшли ҳужумчининг трансфер нархини келишиб олди. Аммо "Челси" ҳалигача Фофана билан шахсий шартнома шартларини келишиб олгани йўқ. Бу яқин орада содир бўлиши ва трансфер январь ойида амалга ошиши кутилмоқда.
Эслатиб ўтамиз, айнан "Мольде"да Эрлинг Ҳоланд илк бор ўзининг гол уриш қобилиятини намоён этган.
