"Ман Сити"га қайтиши кутилаётган Илкай Гюндоган халқаро фаолиятини якунлашини эълон қилди

"Барселона" ярим ҳимоячи Илкай Гюндоган ижтимоий тармоқлардан биридаги саҳифасида Германия терма жамоасидаги фаолиятини якунлашини расман эълон қилди.

"Бир неча ҳафта давомида бу ҳақида ўйладим ва терма жамоадаги фаолиятимни якунлаш бўйича қарор қабул қилдим. Ватаним термаси сафида ўтказган 82 ўйинни ғурур билан ёдга оламан. Ўз уйимизда ўтган "Евро"да жамоа сардори сифатида майдонга тушиш юксак шараф ҳисобланади. 2011 йил дебют ўйинидан кейин бундай натижа ҳақида фақат орзу қилардим", - деб ёзган Гюндоган.

Германия термаси сафида Гюндоган 2011 йилдан буён тўп тепиб келаётганди. "Бундестим" учун 82 та ўйинда Илкай 19 та гол уришга муваффақ бўлган.

Ла Лигада тўп тепадиган бошқа бир тажрибали футболчи эса ҳали бутсаларини михга илмоқчи эмас.