Бир йил аввал Андре Виллаш-Боаш эндигина клубни бошқара бошлаган вақтларда Доусоннинг "Уайт Харт Лэйн"даги фаолияти давом этиши шубҳа остида қолганди. Мураббий бир неча бор очиқчасига Майклнинг ўйини у кўрмоқчи бўлган ҳимоя чизиғига мос келмаётганлигини таъкидлаганди.
Аммо Доусон бу қийин вазиятни шараф билан енгиб ўта олди ва Виллаш-Боаш ишончини қозонди. Энди эса клуб ўзининг ҳимоядаги етакчи футболчисини янги шартнома билан рағбатлантирмоқда.
Айни вақтда 29 ёшга кирган футболчи Лондон клуби сафига 2005 йилда "Ноттингем Форест"дан келиб қўшилган эди.