"Спартак" директорлар кенгаши Массимо Каррерани эгаллаб турган лавозимидан озод этишга қарор қилди.
Клуб Массимога жамоадаги меҳнати учун миннатдорчилик билдиради. Италиялик узоқ кутилган чемпионликни олиб бериб, ўз исмини қизил-оқлар тарихига олтин ҳарфлар билан ёзиб қўйди.
Аммо сўнгги мавсум натижалари қониқарсиз деб ҳисобланди: Клуб олдига қўйилган ҳеч бир вазифа бажарилмади. Жамоанинг жорий мавсумдаги натижалари эса ўсишдан дарак бермаяпти.
"Спартак" клуби Каррерага келажакдаги фаолиятида омад тилайди.
Вақтинчалик бош мураббий вазифасини Рауль Рианчо бажаради" - дейилади клуб баёнотида.
Эслатиб ўтамиз, "Спартак" 21 октябрь куни "Арсенал" (Тула)га қарши ўтказилган Россия Премьер-лигасининг 11-турида 2:3 ҳисобида мағлубиятга учради.
