“Тоттенхэм”нинг ўйиндаги ягона голига 70-дақиқада Лукас Моура муаллифлик қилди. Унга голли узатмани эса Кристиан Эриксен берганди. Натижада даниялик футболчининг жорий мавсум АПЛдаги голли узатмалари сони 10 тага етди. Эриксен кетма-кет 4 мавсумдан бери АПЛда 10 тадан кам бўлмаган голли узатма бериб келмоқда. Эриксен бу борада АПЛ тарихидаги иккинчи футболчи бўлди. Аввал бундай натижага фақатгина “Манчестер Юнайтед” футболчиси Дэвид Бекхэм эришганди.
