ФИФА тартиб-интизом қўмитаси Криштиану Роналдуни ЖЧ саралаши доирасидаги Ирландияга қарши ўйинда олган қизил карточкаси учун фақат битта ўйинга четлатди. Роналду саралашдаги Арманистонга қарши ўйинни ўтказиб юборгани ҳолда бу дисквалификацияни ўтаб бўлди. Шундай экан, футболчи 2026 йилги Жаҳон чемпионати гуруҳ босқичидаги илк турда майдонга тушиши мумкин бўлади.
Аввалроқ, футболчига 2 ёки 3 ўйинлик тақиқ тушиши мумкинлиги ҳақида хабарлар тарқалганди. Маълумот учун, футболчи Ирландияга қарши ўйинда рақиб ўйинчисига тирсаги билан зарба бергани учун қизил карточкага лойиқ кўрилганди.
