"У бу ерга энди келган вақтларини эслайман. 3-4 кундаёқ у бошқаларнинг эътиборини ўзига қаратганди. "Манчестер Юнайтед"дан эркин агент сифатида келганида жуда ёш эди. Биз уни ҳамма қатори футболчи деб ўйлагандик.
Бирор инсон у асосий футболчи сифатида "Ювентус" билан чемпион бўлишини кутмаганди. Ажойиб тана тузилишига эга бўлган Поль заргарона паслар берарди. Илк ўйинларида у ўз позициясида ўйнамасдан, Пирлога кўп ёрдам берганди.
Тез орада унга кичик ҳудуд камлик қилишини тушундик. Погба бундай ҳолатда ўзини кўрсата олмайди. Катта ҳудуддагина у хавфли футболчига айланади", - деб ёзади Кьеллини.
