U bahsni asosiy tarkibda boshlab, 62-daqiqada zaxiraga olingandi.
- “Lokomotiv” tarkibidagi ilk o'yiningni qanday baholaysan?
- Qiyin o'tdi. Jamoaga to'liq moslashib oldim, ammo hali o'z formamga qaytib olishim kerak. O'zbekiston chempionatida tanaffus bo'lgani sabab uzoq vaqt o'ynay olmadim.
- Bugungi harakatlaringdan qoniqdingmi?
- Yo'q, hali 100 foizga tayyor emasman. Jismonan yuz foizga tayyor bo'lmasang, o'zingni to'liq ko'rsatishing ham qiyin kechadi.
- Bugun to'liq hujum frontida harakat qilding. Qaysi poziciya qulayroq?
- Farqi yo'q – chapda, o'ngda yoki hujumchi ortida.
- Murabbiy qanday ko'rsatma bergandi?
- Qanotlarda yordam berish va ikkinchi hujumchi sifatida harakat qilishim kerakligini. Ederga yaqinroq o'ynashni.
- Jamoa o'yinini umumiy qanday baholaysan?
- Xulosalar chiqarish kerak. Har qanday mag'lubiyat yaxshi emas, boisi hamma o'yinlar muhim ahamiyat kasb etadi. Yomon o'ynamadik, ammo o'yin unutiladi, natija esa qoladi.
- Jamoaga to'liq moslashganing haqida gapirding. Kim senga yordam berdi?
- Barcha yigitlar – Gilerme, Chorluka. Mashg'ulotlardan keyin Miranchuk bilan qolib jarima zarbalari ustida ishlardik. Bir oylik mashg'ulotlar davomida undan ko'p narsalarni o'rgandim. Afsus, u jamoani tark etdi.
