UZ

Сўнгги янгиликлар

01:17Максим Шацких: “Трансфер ойнаси ёпилгунича 2-3 нафар янги ўйинчи оламиз”  1 00:55"Андижон" назорат ўйинида Тожикистон жамоасини мағлуб этди  1 00:41Футболга қайтиш муборак: "Байер" Эрик тен Хагнинг дебют ўйинида йирик ҳисобда мағлуб бўлди  4 00:21"Манчестер Сити" Траффорд билан шартнома имзолаши мумкин  2 23:59"Ақлдан озаётган" "Тоттенхэм" ўз тарихидаги энг қиммат трансферни амалга оширишга тайёрланмоқда  2 23:46Алишер Одилов "Навбаҳор"ни тарк этди  3 23:24Микель Артета: "Мадуэке - АПЛнинг энг яхши ҳужумчиларидан бири"  1 22:50Месси Ямалга қарши: Финалиссима қачон бўлади?  4 22:20Исак "Ал Ҳилол"га ўтиши мумкин  1 21:53"Милан" Спортьеллони собиқ жамоасига қайтариб юборди  0 21:33Гампер Кубоги учун ўйин қаерда бўлади?  4 21:14Расман: Нони Мадуэке - "Арсенал" футболчиси!  5 20:52"Насаф" назорат ўйинида "Машъал"дан устун келди  2 20:10"Милан" Модрич ёрдамида "Реал" аъзоси билан музокара ўтказмоқда  0 19:45Моуринью: "Португалияга қайтаман. Фаолиятим охирида эмас, чўққисида"  2

Иван Бошкович: «Футболда доим яхши ўйнаган жамоа ғалаба қозонмайди» Янгиликлар

Иван Бошкович: «Футболда доим яхши ўйнаган жамоа ғалаба қозонмайди»

«Динамо» — «Сўғдиёна» учрашувидан сўнг меҳмонлар бош мураббийи Иван Бошкович матбуот анжуманида иштирок этди.

Ўйинни ёмон ўтказмадик, вазиятларга эга бўлдик. Биз нафақат битта, балки ундан ҳам кўпроқ гол уриш учун имкониятларга эга бўлдик. Ўйини тўлиқ бошқардик, бироқ вазиятларимиздан унумли фойдалана олмадик. Иккинчи бўлимда «Динамо» яхши ҳаракат қилди, очиқ футбол гувоҳи бўлдик. Мухлислар бугунги ўйиндан хурсанд. Улар гол уришга эришишди, биз эса ура олмадик. Футболчиларимнинг маҳорати етарли эди, аммо улар бугун асабийлашишди. Нима учун бундай бўлганини билмайман. «Динамо» жамоасини бугунги ғалаба билан табриклайман. Медаль олишимиз ўз қўлимизда эди. Менга жамоа нима учун тўртинчи ўрини олганини тушунтириб беришди. Мавсумдан тўлиқ қониқиш ҳосил қилганим йўқ, мен бундан кўпроғини кутгандим. Энди келаси мавсумга янада жиддийроқ тайёргарлик кўришга ҳаракат қиламиз. Бу йилгидан кўра яхшироқ натижа кўрсатишга интиламиз. Мен жамоамга ишонаман.

Умумий мавсум учун «Сўғдиёна» жамоасига 10 баллик тизимда неча баҳо қўя оласиз?

Мен баҳолай олмайман.Чунки мен бу жамоани қандай меҳнат қилаётганини кўриб турибман. Жамоа ривожланиши лозим. Мавсум бошида жамоа умуман бошқача эди ва мавсум давомида футболчиларим анча ўсишга эришдилар деб ўйлайман. Биз кўп нарсаларни яхшилашга эришдик. Футболда доим яхши ўйнаган жамоа ғалаба қозонмайди.

Жамоанинг келажаги ҳақида нима дея оласиз? Баъзи манбаларда жамоа етакчилари «Сўғдиёна»ни тарк этишини ёзмоқда.

- Олдиндан ҳеч нима дейишни истамайман. Раҳбарият билан гаплашиб олишимиз керак. Менимча катта ўзгаришлар бўлмайди. Ким қолади, ким кетишини ҳали гаплашиб олишимиз лозим бўлади. Жамоанинг ўзаги сақлаб қолинади. Йил давомида бир нечта яхши ёш футболчилар етишиб чиқишди. Улар катта футбол ўйнашга тайёрлар. Катта ўзгаришлар бўлмайди, биз ёшлар билан ривожланишда давом этишимиз лозим. Яхши жамоани бир кунда ёки бир ойда тузиб бўлмайди. Биз маълум вақт ишладик ва менимча ҳозирги жамоа анча яхши даражада. Келаси мавсум ҳам яхши даражада ўйнашга ҳаракат қиламиз.

Рейтинг: +4   

Фикрлар

championat.asia
< сўнгги янгиликларни кўриш
Яндекс.Метрика