Испания ёшлар терма жамоаси — кетма-кет иккинчи бор Европа чемпиони

Финалгача ўз дарвозаси даҳлсизлигини сақлаб келган "Манчестер Юнайтед" голкипери Де Хеа дарвозаси нихоят испанларнинг финалдаги рақиблари - Италия терма жамоаси томонидан ишғол этилди. Бироқ бу Италияликларни қувонтирди деб бўлмайди. Чунки якунда барибир Испания ёшлар терма жамоаси Апенин ярим оролилик рақиблари устидан 2:4 ҳисобида ғалаба қозониб, 21 ёшгача бўлган терма жамоалар ўртачидаги Европа чемпионлиги тожини ҳимоя қилишга эришдилар.

2011 йилда ўтказилган сўнги чемпионатда ҳам айнан Испания термаси ғолиб бўлганди.

Испаниянинг ушбу термасидаги асосий юлдузлари Алькантара ҳамда Исколар финалда ҳам ажойиб ўйин намойиш этиб, ўз номларини таблога ёздириб қўйишди. Алькантара хет-трикка эришган бўлса, Иско пенальтидан тўп киритди.

Италияликлар Иммобиле ва Бориниларнинг биттадан голлари билан жавоб бера олдилар ҳолос.

Шундай қилиб бу ёшдаги терма жамоалар ўртасида ҳам Испания европада тенгсиз эканлиги тасдиғини топди.
 
Евро U-21
Финал

Италия U-21 – Испания U-21 2:4 (1:3, 1:1)
Голлар: 0:1 – 6 Алькантара, 1:1 – 10 Иммобиле, 1:2 – 31 Алькантара, 1:3 – 38, пенальти Алькантара, 1:4 – 66, пенальти Иско, 2:4 – 80 Борини.

Италия U-21 – Барди, Кальдирола, Ж. Донати, Бьянкетти, Реджини, Флоренци (Сапонара, 58), Верратти (Крими, 76), Ф. Росси, Борини, Инсинье, Иммобиле (Габбьядини, 58).

Испания U-21 – Де Хеа, Бартра, Монтойя, И. Мартинес, А. Морено, Коке (И. Камачо, 86), Ильярраменди, Алькантара, Иско, Мората (Родриго, 80), Тельо (Муниаин, 71).

Огоҳлантиришлар: Коке (12), Верратти (18), Тельо (27), И. Мартинес (47), Реджини (65), Кальдирола (71), Крими (78).