Kecha tunda o'z maydonida "Liverpul"ga qarshi bahs olib borgan "Milan" 1:2 hisobida mag'lubiyatga uchradi. Natijada jamoa nafaqat keyingi bosqichga chiqish, balki guruhda 3-o'rinni egallab, Yevropa Ligasiga yo'l olishdan ham mahrum bo'ldi.
"Milan" atigi 4 ochko to'plab, bu yilgi YCHLni juda muvaffaqiyatsiz tugatdi. "Liverpul" va "Atletiko" keyingi bosqichga yo'l olgan bo'lsa, "Portu" uchinchi o'rin bilan Yevropa Ligasida kurashni davom ettiradigan bo'ldi.
"Milan" guruh o'yinlarida faqat bir bor g'alaba qozondi: safarda "Atletiko" mag'lub etildi. Shuningdek o'z maydonida "Portu" bilan durang o'ynadi. Qolgan uchrashuvlarda jamoa imkoniyatni boy berdi.
