Бош мураббий Дилшод Нуралиев таркибни кучайтириш мақсадида икки тажрибали ҳимоячини ўз жамоасига таклиф этди. Булар - Ислом Иномов ва Обид Жўрабоевдир.
Ишқибозларга яхши маълумки, Иномов бунга қадар «Андижон»нинг Тошкентдаги йиғинида иштирок этиб келаётганди. Аммо у «бургутлар» билан айрим масалаларда келиша олмаган кўринади.
Обид Жўрабоев эса Фарғонанинг «Истиқлол» жамоасида шуғулланиб юрганди. Аммо футболчи ҳозирда «Сурхон»да эканлигини айтиш лозим.
Маълумот учун, термизликлар ҳозирда ўқув-йиғин машғулотларини пойтахтда олиб бормоқда.
