UZ

Сўнгги янгиликлар

02:22Ла Лига. "Қироллик клуби"нинг иккинчи таркиби "Риасор"да истаганини қилди ёхуд "Реал"дан голлар-шоуси  2 02:14Франция кубоги. ПСЖ "Монако" дарвозасига жавобсиз бешта гол урди ва финалга йўл олди  1 02:03АПЛнинг қолдирилган ўйинлари: "Арсенал" амалдаги чемпионни таслим этди, "Тоттенхэм"дан ғалаба  1 01:49Германия кубоги. Фантастик ўйинда "Боруссия" "Бавария"дан устун келди ва финалга чиқди  8 00:18Ла Лига. "Барселона" "Осасуна"га имконият қолдирмади, Леодан эса навбатдаги дубль  50 00:07"Депортиво" - "Реал": Роналду ва Бензема йўқ, Мората эса асосий таркибда!  53 00:00Россия премьер лигаси. Москва дербисида Денисовнинг жамоаси ЦСКАга йирик ҳисобда ютқазди  0 23:32Хосеп Гвардиола: «9 йиллик фаолиятимда илк бор шундай бўлди»  26 23:10Қизиқарли қайтиш: Мария Шарапованинг 15 та энг, энг, энг ажойиб либоси  3 23:05Моуриньо Виллианни МЮга олиб келмоқчи  3 22:48«Манчестер Сити» – «Манчестер Юнайтед». Погба майдонга тушмайди  4 22:32Бартон 1,5 йилга дисквалификация қилинди  5 22:10Тартиб-интизом қўмитаси қарорлари  12 22:05ФИФА президенти ЖЧ-2018да видеотакрор бўйича ҳакамлар ишлашини тасдиқлади  6 21:50ОЧЛ-2017. Нимчорак финалга чиққан 8та клуб номи маълум  4

14 авг 17:27
Янгиликлар

Илдар Маматказин: "Бизга аниқ мана шу ўринни оласан, деб айтишгани йўқ"

«Динамо» клуби мазкур турда Ғузорда «Шўртан» билан куч синашиб 1:1 ҳисобида дуранг ўйнади. Маълумки, иккинчи давра учун самарқандликлар таркибида эътиборга молик ўзгаришлар кузатилди. Бунинг самараси ўлароқ жамоа ўйинида жонланиш сезиляпти.
Чунки бу бежиз эмас. Бош мураббий Равшан Ҳайдаров «Динамо»га бир қатор янги ўйинчиларни таклиф қилди. Жумладан «Пахтакор» клубидан ҳимоячи Илдар Маматказин «Динамо»га кўчиб ўтди. Иқтидорли ушбу ўйинчи биринчи даврада «Шералр» сафида ўзи истаганидек ўйнай олмади. Шу боис у ўйин амалиётига эга бўлиш мақсадида «Динамо»га ўтишга рози бўлди. 15-турда Маматказин янги жамоаси таркибида биринчи ўйинида иштирок этди. «Шўртан»га қарши бўлиб ўтган учрашувдан сўнг футболчига айрим саволлар билан мурожаат қилдик.

- «Динамо» таркибида биринчи ўйинингизни ўтказдингиз ва жамоангиз сафарда дурангга эришди. Дастлабки ўйиндан олган таассуротларингиз қандай?

- Ўйиндан олдин қийин бўлишини билардик. Шу сабабли ижобий натижа учун ҳаракат қилдик. Бизга ҳам, уларга ҳам очко кераклигини яхши тушуниб тургандик. Бемалол айта оламанки, «Шўртан»га қарши беллашув жамоалар учун уч очкодан кўпроғини берувчи ўйин бўлди. Лекин ғалаба қозониш ҳеч кимга насиб қилмади.

- Нима дейсиз, дуранг натижа «Динамо» учун қониқарлими?

- Аслида Ғузорга ғалаба қозониш мақсадида келганмиз ва шунинг учун майдонга тушгандик. Аммо меҳмонда ўйнаб бир очкони қўлга киритиш унчалик ёмон натижа деб ҳисобламайман. Умуман, иккинчи даврани тузук бошладик.

- «Шўртан» бу йил бўшроқ таассурот қолдирмоқда. Шахсан бу жамоа ҳақида нима деган бўлардингиз?

- Тўғри, олдингига қараганда, ном жихатидан, таркиб жиҳатидан сезиларли ўзгаришлар бўлди. Аммо жамоа ўйин томонидан ёмон таассурот қолдирмади. Ёшарган жамоаси ҳам ниманидир ўзгартира олади деб ўйлайман.

- 1:1 ҳисоби ўйинга мос тушдими?

- Мос келди деса ҳам бўлади. Учрашув давомида «Шўртан»да ҳам, бизда ҳам имкониятлар бўлди. Аммо, шу куни фақат ғалаба учун ўйнагандик.

- Янги клубингизга мослашиш жараёни қийин кечмаяптими?

- Йўқ, қийин бўлмаяпти. «Динамо»га келганимда кўпчилик ўйинчиларни билардим. Шунинг эвазига ҳаммаси билан тил топишиб кетдим. Қийинчиликларни сезганим ҳам йўқ. Жамоа аҳил, барчамиз фақат ғалаба учун майдонга тушаяпмиз.

- Иккинчи даврадан бошлаб фаолиятингизни «Динамо»да бошлашингизнинг боиси нимада?

- Биласиз, менга ўйин амалиёти керак эди. «Пахтакор» жамоасида етарли даражада ўйнай олганим йўқ. Биринчи даврадан сўнг клублар келишган ҳолда мен ижара асосида Самарқандга келдим. Биринчи даврада заҳирада кўп қолиб кетдим. Мен эса ўйнашни хоҳлайман. Шунинг учун «Динамо»га келдим. Бу ерга самарқандликлар учун ёрдам беришга келдим. Умид қиламанки, «Динамо» билан мухлислар ишончни оқлайман.

- «Пахтакор» «Бунёдкор» майдонида 1:2 ҳисобида ғалаба қозонди. Ушбу натижани қандай қабул қилдингиз?

- Табиийки, бундан роса хурсанд бўлдим, омадини берсин.

- Собиқ жамоангизнинг ғалабасини кутмагандингизми?

- Нега энди? Ютишини билардим.

- Биринчи даврада «Динамо» кутилганидек қатнаша олмади. Давралар оралиғида ўзгаришлар юз берди ва таркибга сиз каби янги ўйинчилар жалб қилинди. Шундан кейин жамоа олдига қандай вазифа қўйилди?

- Бизга аниқ мана шу ўринни оласан, деб айтишгани йўқ. Ҳар қандай шароитда ҳам ўз ўйинимизни кўрсатиб мухлисларни қувонтириш учун ҳаракат қиламиз. Шунингдек, имкони борича юқори ўринлардан бирини қўлга киритиш учун ҳам кураш олиб борамиз. Асосийси ҳозирга келиб жамоада кайфият яхши. Жамоа мана 11-турдан бери мағлубият нималигини билмай, очко йиғишда давом этмоқда. Умид қиламанки, кейинги ўйинларимизда ҳам ўзимизга бўлган ишонч янада ортиб ғалабалар билан мухлисларимизни қувонтирамиз.

- Барибир иккинчи даврада жамоа ҳар жабҳада кучайгандек таассурот уйғотмоқда. Бу борада сизга ҳам масъуляит юкланди...

- Ҳа, буни биламан. Ўзимиз учун ҳам ижобий натижа кўрсатсак яхши бўлади. Янги келган ўйинчилар учун ҳозир мослашиш жараёни кечмоқда. Олдимизда, «Насаф»га қарши ўйин турибди. Ушбу баҳсда ҳам самарқандлик мухлислар ишончини оқлашимиз керак.

Шуҳратбек ЖЎРАЕВ суҳбатлашди.

Рейтинг:    

Фикрлар

< сўнгги янгиликларни кўриш

Энг яхшилар

"Эл-Классико"гача... "Эл-Классико"гача...
Бугун "Сантьяго Бернабеу"да "Реал" ҳамда...  223
ОЧЛ. "Локомотив" - "Ал Таавон" учрашувида саккизта гол урилди ОЧЛ. "Локомотив" - "Ал Таавон" учрашувида саккизта гол урилди
Осиё чемпионлар лигаси 5-туридан ўрин олган "Локомотив" -...  173
"Бунёдкор" Осиё чемпионлар лигасида ниҳоят ғалаба қозонди "Бунёдкор" Осиё чемпионлар лигасида ниҳоят ғалаба қозонди
Осиё чемпионлар лигасининг 5-туридан ўрин олган "Бунёдкор"...  71
������.�������

Выберите страну:

Mamlakatni tanlang:

Выберите язык новостей:

Yangiliklar tilini tanlang: