Игнатий Нестеров 10та ўйинни "қуруқ" ўтказди

Ушбу ўйинларнинг 10тасида терма жамоамиз посбони ўз дарвозаси даҳлсизлигини сақлаб қолди ва қолган икки ўйинда атига 4та гол ўтказиб юборди. Бу борада Нестеров биринчи даврада етакчи бўлди. 

Ундан кейинги ўринни 7та ўйинни "қуруқ" ўтказган Александр Лобанов эгаллади. "Шерлар" дарвозабони 13та ўйинда жами 9та гол ўтказиб юборди.

Маъмур Икромов ("Металлург"), Дониёр Усмонов ("Гулистон") ва Сардор Қобулжонов ("Бухоро") ҳисобида 4тадан "қуруқ" ўйин мавжуд.

Дастлабки даврадаги ўйинларда жами 28 нафар дарвозабон ўйинларда қатнашишди. "Гулистон" мураббийлари 3 нафар дарвозабон хизматидан фойдалнишган бўлса, "Локомотив" ва "Пахтакор" дарвозасини фақат биттадан посбон қўриқлади.
 

Нарзулла Сайдуллаев тайёрлади.