Ҳоланд "Энфилд"да илк бор гол урди. У АПЛда ўйнаган 24 та стадионидан 23 тасида гол уришга муваффақ бўлган
10 фев 12:32
Янгиликлар

Ҳоланд "Энфилд"да илк бор гол урди. У АПЛда ўйнаган 24 та стадионидан 23 тасида гол уришга муваффақ бўлган

АПЛнинг 25-тури доирасида "Энфилд" стадионида "Ливерпуль" ва "Манчестер Сити" ўртасида томошабоп баҳс бўлиб ўтди.

Учрашув "шаҳарликлар"нинг 2:1 ҳисобидаги ғалабаси билан якунланди, гарчи майдон эгалари 74-дақиқада ҳисобни очган бўлса-да.

"Сити"нинг юлдуз ҳужумчиси, норвегиялик Эрлинг Ҳоланд жамоасининг голларидан бирига муаллифлик қилди. Қайд этиш жоизки, бу Ҳоланднинг АПЛ доирасида "Энфилд"да ўтказган тўртинчи ўйини бўлиб, у мазкур стадионда турнир доирасидаги илк тўпини киритди.

Шу тариқа, норвегиялик тўпурар Англия чемпионатида ўйнаган 24 та стадионидан 23 тасида гол уришга эришди. У фақатгина "Сандерленд"нинг уй майдони — "Стэдиум оф Лайт"да гол ура олмаган.

Ҳавола :

Манба : Opta

Янгиликларни Телеграмда ўқинг!

Рейтинг: +2