Havaskorlar o'rtasidagi Toshkent shahar birinchiligi: yarim finalchilar nomi ma'lum

17 avgust kuni O'zbekiston sport majmuasida havaskor jamoalar o'rtasidagi Toshkent shahar birinchiligi chorak final uchrashuvlari bo'lib o'tdi. E'tiborli tomoni, chorak final juftliklarining barcha favoritlari o'z raqiblarini mag'lub etib, yarim final yo'llanmalarini qo'lga kiritishdi.

Kunning birinchi uchrashuvida musobaqa favoriti va birinchi bosqich yetakchisi hisoblangan Uzpromstroybank Choshtepaga hech qanday imkoniyat qoldirmadi va uni 10:1 hisobida mag'lubiyatga uchratdi.

Qolgan uchrashuvlarda bir jamoa raqibiga nisbatan bu qadar katta ustunlikka erishmadi, natijalar esa quyidagicha ko'rinish oldi: Pro-DJ – DHL 1:3, Do'stlik - O'zDTV, EastRoad - SQB-Yunusobod 2:3.

Shunday qilib, havaskorlar o'rtasidagi musobaqa yarim finalida quyidagi juftliklar final yo'llanmasi uchun kurash olib borishadi: Uzpromstroybank - Do'stlik, DHL - SQB-Yunusobod. 5-8-o'rinlarni kim egallashi uchun Choshtepa - O'zDTV, Pro-DJ - EastRoad uchrashuvlaridan so'ng ma'lum bo'ladi.

Bo'lajak o'yinlar taqvimi
25 avgust, yakshanba
5-8-o'rinlar uchun uchrashuvlari
9.00 Choshtepa – O'zDTV
10.15 Pro-DJ – EastRoad

Yarim finallar
11.30 Uzpromstroybank– Do'stlik
12.45 DHL– SQB-Yunusobod