Ҳамиджон Актамов: "Тайёр ғалабани қўлдан чиқардик"

-Рақибимиз мамлакатнинг энг кучли жамоаларидан бири бўлишига қарамай, биз учун ғалаба сув ва ҳаводек зарур эди. Шу боис бугун ғалаба учун майдонга тушгандик. Ўйинда гол уриш учун кўплаб вазиятларни ярата олдик. Голгача Достон Ибрагимовнинг ўзида бир қатор яхши имкониятлар бўлди. Лекин ундан фойдалана олмади. Голдан кейин асосий эътиборни ҳимоя қаратдик. Аммо ўйин охирида биргина хато қимматга тушди. Ғалаба қозониб турган ўйинимизда, тайёр икки очкодан маҳрум бўлдик. Йигитларга раҳмат. Бор кучларини бериб ҳаракат қилишди. Ибрагимов нега захирага олинди? У кичик тўқнашувда жароҳат олгандек туюлди. Шу боис мажбурий ўзгаришни амалга оширдик... Олдимиздаги мақсад ўзгармайди. Қолган ўйинларда максимал очко йиғишга ҳаракат қиламиз.