UZ

Сўнгги янгиликлар

09:44Мигел Велозу яна А Серияга қайтди   0 09:40Антони Марсьяль МЮ билан шартномасини узайтиришни рад қилди   1 09:35Алексис Санчес Моуриньонинг тактикаларидан норози   2 09:17Эдинсон Кавани “Атлетико Мадрид”га ўтиши мумкин   2 08:58“Реал” Бельгиядан мураббий топди   6 08:52Чорлука жароҳат олди   0 07:57Суперлига. Бугун "Пахтакор" - "Локомотив" ва бошқа ўйинлар бўлади  27 07:50Лига 1. “Лион” “Ним”ни ишончли тарзда мағлуб этди   3 07:40Ла Лига. “Сельта” ўз майдонида “Алавес”га ютқазиб қўйди   1 07:30Бундеслига. “Айнтрахт” “Фортуна” дарвозасига 7 та гол урди, Йовичдан пента-трик   4 01:00Olamsport: Мэйвезер 2019 йилда Хабиб ва Конор билан жанг қилмоқчи, спорт курашлари бўйича ЖЧ бошланмоқда  3 00:15"Реал" - "Леванте". Лопетеги қайдномага кимларни киритди?  12 23:06Бахтиёр Ашурматов: "Насаф" биздан барча жабҳада устун кўринди"   6 22:55Нўъмон Ҳасанов: “Ҳар доим мағлубиятда бош мураббий айбдор бўлган”  9 22:43Россия. "Анжи"га Хабиб ҳам ёрдам бермади  7

Ҳамиджон Актамов: Аксарият футболчиларнинг таъби нозик бўлиб қолган Янгиликлар

Ҳамиджон Актамов: Аксарият футболчиларнинг таъби нозик бўлиб қолган

Шу кунларда Суперлига жамоалари янги мавсумга тайёргарликни давом эттиришяпти.

Чўнтаги бақувват жамоалар хорижда, қолган клубларимиз эса Тошкентда ва баъзилари ўз қароргоҳларида янги мавсум ҳозирлигини кўришяпти. Ўтган мавсум элитадаги ўрнини бир амаллаб сақлаб қолган "Қизилқум" жамоаси ҳам ўтган йили йўл қўйилган камчиликлардан тўғри хулоса чиқарган ҳолда машғулотларга зўр берган.

Биз "Қизилқум" бош мураббийи Ҳамиджон Актамовдан ўтган мавсум хулосалари ва янги йил режалари хусусида интервью олдик.

- Ҳамиджон ака, жамоангизда ечимини кутаётган муаммолар борлигини жуда яхши биласиз. Кўпроқ нималарга эътибор қаратиш керак?

- Муаммолар йўқ ҳисоби. Ҳамма шароитлар бор. Фақат бош ҳомийимиз янги мавсум учун сметани тасдиқлаб бериши ҳамоно ишларни бошлаймиз.

- Тахминан қанча маблағ эвазига совринли ўринлар учун курашадиган рақобатбардош жамоа тузиш мумкин?

- Узр, бу саволга жавоб беролмайман.

- Ўтган мавсум жамоа ўз имконияти даражасида ўйнай олмади. Лекин «Қизилқум»нинг ички потенциали юқори эди...

- Бунинг ўзига яраша объектив ва субъектив сабаблари бор. Мавсумга юқори кайфиятда тайёргарлик кўргандик. Таркиб борасида ҳеч қандай муаммо йўқ эди.

Сиз айтгандек, рақобатбардош жамоа шакллантиргандик. Афсуски, 1-турдаёқ «Пахтакор»га ютқазиб, чемпионатни омадсиз бошладик. Илк ўйиндаги мағлубиятдан сўнг футболчиларнинг руҳияти тушиб кетди.

- Жамоанинг омадсиз иштирокига фақат 1-турдаги мағлубият сабабми?

- Қайсидир маънода, шундай деса ҳам бўлади. Ушбу мағлубиятдан кейин футболчиларнинг ўзига бўлган ишончи йўқолди, негадир ички муҳит ўзгарди. Йигитларимиз ўзларига келганда эса «Қўқон-1912»га имкониятни бой бериб қўйдик.

Кейин эса ўзи шундоқ ҳам таранг бўлиб турган вазият янада чигаллашди. Боз устига, мухлисларнинг бироз ўринсиз ҳақоратлари ўйинчиларга руҳий томондан салбий таъсир ўтказди.

- Бош мураббий сифатида вазиятни ижобий томонга ўзгартиришга интилдингизми? Балки бу йўлда сизга бирор нарса тўсқинлик қилгандир?

- Қўлимдан келганича ҳаракат қилдим. Қатор мағлубиятлардан сўнг «Бунёдкор»ни ўз уйида енгишни уддаладик. Бунинг натижасида оз бўлсада ўзимизга келиб олгандик. Аммо аксарият футболчилар юлдузга айланиб қолишди. Ана шундан кейин омад яна биздан юз ўгирди. Боз устига, ҳар куни босим остида ишладик.

- Мавсум якунлари жамоада муҳокама қилиндими? Бошқаларга ўрнак бўлиши учун ўша сиз айтган «юлдузлар»га нисбатан жазо қўлландими?

- Йиғилиш қилдик, йигитлар билан гаплашиб олдик. Фойдаси бўлади, деган умидда уларга вазиятни тушунтирдик. Лекин машғулотда бошқа муҳит, ўйинда эса мутлақо бошқа муҳит сақланиб қолаверди.

Ҳозир ўшанда бажарилган ҳар бир ишимизни таҳлил қиляпмиз. Ҳа, хатоларимиз ҳам йўқ эмас. Йилдан-йилга тажрибамиз ошиб боряпти. Насиб қилса, жорий 2018 йилда ҳаммаси бошқача бўлади.

- Балки қайсидир футболчилар ички муҳитни бузишгандир?

- Ҳа, шунақаси ҳам бор. Қисқача айтганда, бизга кўз тегди. 2016 йили 6-ўринни эгаллагандик. Ўшанда йигитлар жуда яхши ўйин намойиш этишганди. Бу мавсум эса улар нима учун ўйнаётганликларини унутиб қўйишди.

Аксарият футболчиларимизнинг таъби нозик бўлиб қолган. Қисқаси, меҳнатни ташлаб қўйишган. Бундай бўлишига ёшликдаги тарбия сабаб, деб ўйлайман. ЎФФнинг янги раҳбарияти айнан шу жиҳатга эътибор қаратяпти. Яъни, клублардан футболчиларни ёшликданоқ янгича руҳиятда тарбиялашни талаб қилмоқда.

Федерация жуда тўғри иш тутди. Жуда кўп нарса ёшликдаги тарбияга боғлиқ эканлигига ўз тажрибамда гувоҳ бўлдим. Ўтган йили зўрға кучлилар сафидаги ўрнимизни сақлаб қолдик. Мана шундай ҳолатда кимга қийин, албатта, клуб раҳбарлари ва мураббийлар штабига.

- Жамоа ўша таъби нозик футболчилар билан хайрлашдими?

- Бу саволингизга ҳозир жавоб беролмайман.

- Ўтган йилги мавсумда «Қизилқум» ҳакамлардан азият чекмадими?

- Бизда бу мавзуда гапириш учун ҳуқуқ йўқ. Хатони ҳамиша ўзимиздан излаб келганмиз. Қайси ўйинларда ютқазган бўлсак, унда ҳакамларнинг хатосини кўрмадим. Демак, жиддий эътироз йўқ.

- Артур Геворкяннинг ўйини ҳақида қандай фикрдасиз? «Қизилқум» сардори ўз имконияти даражасидан паст ўйнамадими?

- Артур тажрибали, ўз ишига профессионал тарзда ёндашадиган футболчи. Шуни айтишим керакки, унинг ўтган мавсумда бизга кўп ёрдами тегди.

- У билан шартнома узайтириладими?

- Агар битим бандлари бўйича келишиб олсак, узайтирилади.

- Бу масалада унинг ўзи билан гаплашдингизми?

- Ҳа. Насиб қилса, у янги мавсумда ҳам «Қизилқум» шарафини ҳимоя қилади.

- Легионерлар ишончни оқлашдими?

- Фақат Артур!

- Қолганларда адашдик, деб ўйлайсизми?

- Шундай деса ҳам бўлади.

- Умуман, легионерларни сизларга ким тавсия қилади?

- Бу масала билан бош мураббий сифатида ўзим шуғулланаман.

- Келаси мавсум учун кўз остингизга олиб қўйган хорижлик футболчилар борми?

- Бор. ПФЛ томонидан легионерлар учун жорий қилинадиган 4+1 лимитидан тўлиқ фойдаланмоқчимиз.

- Ўтган мавсум ёшлар жамоасида ўзини кўрсатган футболчилар борми? Умуман, ўринбосарлар иштироки, мураббийларнинг ишидан қониқяпсизми?

- Ёшлар таркиби асосий жамоага энг яқин резерв, яъни захира ҳисобланади. Шу маънода, биз бу жамоага алоҳида эътибор билан ёндашамиз. Мураббийлар яхши ишлашяпти.

Ўтган мавсум ўринбосарлар сафида ўзини ижобий томондан кўрсата олган 3-4 нафар футболчини асосий таркибга таклиф қилганман. Кейинги йили улардан умидим катта.

- Кимларни алоҳида тилга оласиз?

- Миржалол Қосимов, Бекзод Мирзамуродов, Виктор Григорьев, Мустафо Раҳматов каби ёш истеъдодлар ўз ўйинлари билан бугунги кунда асосий жамоада ўйнашга ҳақли эканликларини исботлашди. Албатта, уларга имкон берамиз.

- Жамоанинг футбол академиясини ташкил қилиш режаси борми?

- Футбол мактабимиз фаолият юритяпти. Академия ташкил этиш режаси ҳам йўқ эмас, ҳаракатлар бошлаб юборилган. Фақат озгина вақт керак, чунки бу иш катта маблағ талаб қилади.

- Ўтган мавсум ўйнаган легионерларга жавоб бериб юборилдими?

- Худди шундай. Улар ўз ватанларига қайтиб кетишди.

- Ўтган мавсум учун тўлиқ ҳисоб-китоб ишлари амалга оширилдими? Қарздорлик йўқми?

- Очиғини айтаман, озгина қарздорлик қолган. Тез орада бу масала ижобий ҳал этилади.

- Олий лигада 12та жамоа қолдирилишига муносабатингиз қандай?

- Менимча, яхши бўлди. Бунинг натижасида чемпионатимиз кучаяди. Ўйинлар кескин ва қизиқарли руҳда кечади. Ахир мухлислар ҳам шундай футболни хоҳлашади-ку, тўғрими?

- «Қизилқум» ана шу кучли рақобатга тайёрми, жамоа унга дош бера оладими?

- Рақобатга тайёрмиз. Таркибни шунга яраша кучайтирамиз.

- Хорижда йиғин ўтказиладими?

- Ҳа, шундай режа бор. Февраль ойида Туркияга сафар уюштирмоқчимиз. У ерда бир нечта ўртоқлик учрашувлари ўтказамиз. Легионерларни айнан шу йиғинимизда яна бир бор назоратдан ўтказиб, якуний хулосага келамиз.

- Ҳамиджон ака, мураббийлар штабида сизга кимлар ёрдам беряпти? Ўзгариш бўлмайдими?

- Йўқ. Ҳозир менга кўмаклашаётган Ислом Аҳмедов, Юрий Лукин ва Григорий Цейтлин билан ҳамкорликни давом эттирамиз.

- Қайси мураббийларнинг иш услубини кузатиб, ўрганиб борасиз?

- Миржалол Қосимовга ҳурматим баланд. Айнан унинг услубини кузатиб бораман.

- Қаттиққўл мураббиймисиз?

- Унчалик эмас. Сабаби, профессионал футболчилар билан ишлайман. Уларнинг аксарияти пул учун тўп суради, деб ўйлайман.

- Сиз ҳақингизда маълумотлар кўп эмас...

- Футболга келишим тарихи жуда ҳам узоқ. Қисқача айтадиган бўлсам, иккинчи лигадан то бугунги кун, яъни бош мураббийликкача бўлган машаққатли йўлни босиб ўтганман.

Ҳозирги жамоам билан тўрт йил 2-лигада, икки йил 1-лигада иштирок этдик. Иккинчи давра бошида 7 очко билан турнир жадвалининг энг охирида юрган жамоани кучлилар сафида олиб қолишга эришдик. 2013 йили «Қизилқум»ни Зарафшондан Навоийга олиб келиб, янги жамоа шакллантирдик.

Ўшандан бери шу клубда ишлаб келяпман. Ҳали олдимизда қиладиган ишларимиз бисёр. Инфратузилмани янги босқичга олиб чиқишни режалаштирганмиз.

Замонавий стадион бунёд этдик, унинг чими ҳавас қиладиган даражада. Бугунги кунда майдонимиз сифат даражасига кўра Ўзбекистонда кучли тўртликка киради. Буларнинг барига жуда кўп меҳнат сарфланди.


Камолиддин АЛИМОВ суҳбатлашди  "Интерфутбол" газетаси

Рейтинг: -4   

Фикрлар

+5   
14 янв 09:56:14
Aza Az
савияли легионерга пул йўк барибир, ўртача легионер олиб, валютамизни исроф қилмасдан ўзимизни ёшлар орасидан футболчи қидиринглар
+5   
14 янв 09:24:55
Eldarado_13
Хали хам клубни Зарафшонга кайтариш керак. 3-синф укувчиси чизиб берган логотипини узларига олиб колса хам майли
+3   
14 янв 11:17:23
Samsung Galaxy
Shu trenir nechchi yildan beri bo'sa bittayam milliy terma jamoaga o'yinchi etkazib bermagan nuqul o'rtamiyona o'yinchilani bir yil o'ynatib keyingi yil yana boshqasini opkeladi bunaqa trenirla faqat jamoasi oliy ligada qosa bo'ldi yillik smetani kutishadi bir yilda pulli yeb bitirishadi xech qanaqa foydasi temidi o'zbek futboliga
+3   
14 янв 10:36:59
Eldarado_13
Кокадиев фойдаланувчининг фикрига жавоб бериш
Бу одам айбдор эмаску командани навоига кучиришга катталар килганда лекин шу бир кишига епишиб олдизлар , тухмат килишдан тухтамайсизлар уят э...
Хеч ким тухмат килгани йук, сиз айтган одамлар ичида бу хам бор. Бошида ман хомийлик киламан давай-давай деб турган шу одам, хозир эса футболда тренер булиб юрибди. Бунакаси факат бизда булса керак, якинда ГАИ, млоиячилар лар ишдан кетаябди. Балки уларги орасидан хам зур тренерлар чикиб колар))))
+3   
14 янв 09:13:21
chempion77
Qizilqum chempionatta maqsafi yoq jamoa, olmaliq, metallurg, sogdiyona kabi... pul ishlash xolos maqsadlari
+2   
14 янв 13:12:45
Ibrohim
Paxtakor bilan Qoqonga yutqazib bollani ruxiyati tuwub ketibdi emiw))) nima bula faqat yutiwi keremi hamma maglub bulgan komandani nomini aytib chiqmabsande san trenersan ruxiyatini kotatiwing kere wulani
+2   
14 янв 09:01:25
Hasano
Zarafshindan ham bitta klub tuzilsa yaxwi bulardi, zaragshondan kuplab yaxwi futbolchilar yetiwib ciqqan misol karpenko, sherzod karimov asilbek amonov dilshod hamrouev....
+1   
14 янв 17:15:46
Qoqon sodiq muxlislari
XAMIDA AKTAMOV sizni mexnatizi biz Qo'qonlik muxlislar juda yaxshi bilamiz.Sizdaqangi murabbiylar Uzbekistonda kupayishi tilakdoshiman.
Ishlaringizga omad tuxtamang faqat oldinga qarab olg'a.
Qo'qon sodiq muxlislari klubi nomidan.
+1   
14 янв 13:47:01
Hasano
Кокадиев фойдаланувчининг фикрига жавоб бериш
Бу одамни хам акли бор кишилар куйган энди ! Узбекистон Кахрамони бир нарса билса керак ишлатиб келяпти .
Babayanni bittasida buyam, kattalar bn tili bir
+1   
14 янв 11:49:24
ASKA Real Madrid - Qizilqum
Нималар дейабсанлар э хамманг узингча акилли.Кизилкум узи бир марта норм результат курсатган учинчи урин ( хозирги айрим временный клубчаларда шу натижаям йук) Бошка нима каромат курсатди г. Зарафшанда шахарчани гижжилар босиб кетган келгиндилар у ерда кукармасди клуб. Хурматли акилли юзерчалар гийбатчани йигиштирларинг.. 4 кун футбол куриб хамма акилли. 2007 йил уйнаганмизам Зарафшон НЦЗ да.
+1   
14 янв 10:30:52
Кокадиев
Бу одам айбдор эмаску командани навоига кучиришга катталар килганда лекин шу бир кишига епишиб олдизлар , тухмат килишдан тухтамайсизлар уят э...
+1   
14 янв 10:23:58
Eldarado_13
janob hechkim фойдаланувчининг фикрига жавоб бериш
Nega komentlarimizni uchirdizla
Актамов тел килиб илтимос учирлар дегандирда)))
+1   
14 янв 09:31:50
janob hechkim
Eldarado_13 фойдаланувчининг фикрига жавоб бериш
Хали хам клубни Зарафшонга кайтариш керак. 3-синф укувчиси чизиб берган логотипини узларига олиб колса хам майли
Tugri zarafshonda qizilqum natija kursatardi
+1   
14 янв 09:29:06
Buxoroiy sharif
Хакийкатдан хам Кизилкумни янги стадионини чими дахшат. Хамиджон Актамов кучли туртликка киради деб сал камтарлик килибдилар манимча Кизилкум стадиони чими Узбда 1-уринда турса керак
   
18 янв 22:48:58
Qizilqum forza
Hamid aka ishizga omad siz haqiqiy jonkuyar navoi farzandisiz
championat.asia
< сўнгги янгиликларни кўриш

Энг яхшилар

"Миллий"да ўйнай олмаётган миллий терма жамоа "Миллий"да ўйнай олмаётган миллий терма жамоа
Стадион олдида қабристон, стадион ҳайдовчилар пулига қурилган,...  74
ВИДЕО АНОНС. Эртага Тошкент дербиси. Чемпионлик баҳсига марҳамат! ВИДЕО АНОНС. Эртага Тошкент дербиси. Чемпионлик баҳсига марҳамат!
Эртага, 20 октябрь куни Ўзбекистон Суперлигаси 26-тури доирасида...  70
Суперлига. "Насаф" Олмалиқда ғалаба қозонди Суперлига. "Насаф" Олмалиқда ғалаба қозонди
Суперлиганинг 26-туридан ўрин олган АГМК - "Насаф" учрашуви ...  61
������.�������

CA ни Facebook да ўқиш
учун "Yoqdi"ни босинг