UZ

Сўнгги янгиликлар

18:23Жоржиньо учун икки топ-клуб даъвогарлик қилмоқда  2 18:00Агар "Зальцбург" ЧЛ плей-оффига чиқмаса, Собослаи қишда "Лейпциг"га ўтиши мумкин  1 17:38ESPN талқинига кўра 2020 йилнинг энг яхши мураббийлари  3 17:23"Қўқон-1912" тарихий натижасини такрорлади  5 17:15Жиру - ЧЛда ҳафтанинг энг яхши ўйинчиси  4 17:13Суперлига. Бир йил ичида 5та клуб ўз натижасини яхшилади. "Қўқон-1912"дан рекорд, "Локомотив"дан антирекорд  4 16:56Меҳмонов ва Алиев "Сурхон"ни тарк этди  15 16:50"Наполи"га керак бўлмай қолган Милик "Атлетико"га ўтиши мумкин  0 16:28"Барселона"да ўйнашни орзу қиладиган Мартинес МЮга ўтишдан бош тортди  5 16:20Olamsport: Тайсон - Жонс жангидан топилган даромад, Жошуа – Пулев жанги учун чипталар нархи эълон қилинди  0 16:15"Футбол ретро талқинда" (84-сон)  2 16:00Карикатура: ПСЖнинг Неймардан кейинги танлови - Месси, Пике эса ғазабда  5 15:33"Милан" Кессье билан шартномани узайтиради  2 15:16Coca Cola Суперлигаси. 26-тур лауреатлари  6 15:10"Вест Хэм" Райсни "Челси"га қўйиб юбормоқчи эмас  3

“Ҳафта Иқтибосларда” 2. “Йўқолсин келишилган ўйинлар!” Янгиликлар

“Ҳафта Иқтибосларда” 2. “Йўқолсин келишилган ўйинлар!”

Ҳар якшанба “Ҳафта Иқтибосларда” рукни бериб бориш одатга айланди.
“Ҳафта Иқтибосларда”нинг бугунги қаҳрамонлари: барчани қўрқитмоқчи бўлган Уолкот, Италия Жаҳон Чемпионатида бирор нарсани қойиллатишига ишонмаётган Буффон, келишилган ўйинларга қарши курашмоқчи бўлган Магометов, футболчиларни бўйнидан бойлаб, мажбурлаб ўйнатаётган Исмоилов ва бошқалар бўлади. Демак, бошладик.

"Арсенал" ярим ҳимоячиси Тео Уолкот, янги мавсумда совринни қўлга киритиш учун қилиниши керак бўлган ишлар ҳақида

— Агар биз келаётган мавсумда бирор совринни қўлга киритишни истасак, рақибларни биздан қўрқишига эриша олишимиз талаб этилади.

Москванинг ЦСКА клуби бош мураббийи Леонид Слуций, клуб мухлисларининг "Сиз, "Спартак" мураббийи Карпинни жангга таклиф эта оласизми?", деган саволига жавоби:
— Биласиз-ку, бизлар турли вазн тоифасиданмиз.

Жанлуижи Буффон, Италия терма жамокасининг келаси йили бўладиган Мундиалда чемпионлик учун имкониятлари ҳақида

— Биз ўсиш борасида кўплаб терма жамоалардан ортда боряпмиз. Бу — ҳақиқат. Ҳозирги Италия терма жамоаси, Жаҳон Чемпионатида олтин медалларни қўлга кирита оладиган аҳволда эмас!

Майкл Оуэн, Уэйн Рунининг "Манчестер Юнайтед"ни тарк этиши мумкинлиги ҳақидаги гапларга муносабати

— Ўз вақтида мен фаолиятимнинг энг чўққисида "Ливерпул"дан "Реал"га ўтгандим. Руни бу ишни такрорлашини истамасдим. Ҳозирги ҳолатда Руни қилиши мумкин бўлган энг мақбул иш — "МЮ"да қолиб, Дэвид Мойесга нималарга қодир эканини исбот қилиш бўлади"

ПФЛ бош директори Фаҳод Магометов, биринчи лигадаги келишилган ўйинлар ҳақида

— Тан олиш керак, биринчи лига ўта ёмон ҳолатда. Бу ҳеч кимга сир эмас. Камчиликлар тўлиб ётибди. Бунга биринчи навбатда жамоа раҳбарлари билан бош мураббийларни айбдор қилиб кўрсатган бўлардим. Келишилган ўйинлар кўп учраяпти. Буларни йўқ қилиш керак".

Ҳозирги ҳолатда биринчи лигага ботқоққа ботиб қолган деб айтсак бўлади. Уни бундан чиқариш учун жуда кўп иш қилиш шарт ёки тўлиқ операцияни амалга ошириш лозим. Баъзи клублар ҳакамдан шикоят қилишади, ўйинни кўриб чиққанимизда ҳакам айнан уларга ёрдам берган вазиятлар учради. Ҳакамларни жамоангизга ён босишини сўрайсиз ва кейин уни рақиб фойдасига атайин янглишганда айблайсиз. Нима учун уларга қаллоблик қилишни ўргатяпсиз? Келишилган ўйинларда иштирок этган ёки ҳакамларни ёрдам бериш мақсадида тақдирлашга уринган клубларни жазолаймиз. Шундай жамоалар бир умрга ПФЛ иштирокидаги мусобақалардан четлаштирилади ва 50 миллион сўм жаримага тортилади.

"Пахтакор" бош мураббийи Мурод Исмоилов, Темурхўжа Абдуҳолиқов ҳақида
— Баъзи футболчиларни бўйнидан бойлаб, мажбуран ўйнатяпмиз. Масалан, Темурхўжа Абдуҳолиқов, билмадим ўзини қайси жамоаларда ҳис қилиб юрган экан. «Пахтакор» либосини кийиб майдонга тушадию, лекин ўзи ҳаёлан бошқа клуб аъзоси. Шуям иш бўлдими? Қачонгача ҳимояланамиз? Биласизми, дуранг учун ўйнаган учрашувларимиз бўлди. «Пахтакор»дек жамоа учун бу иснод эмасми? Майдонга «Пахтакор» либосини кийиб тушдингми, демак шунга монанд ўйин кўрсатишинг шарт. Киши кўзига майдонда юриш керак эмас. Ҳамма нарсани фақат пул белгиламайди-ку!

"Гулистон" бош мураббийи Бахтиёр Ашурматов, клубдаги танг аҳвол ҳақида

— Ҳуддики, “Гулистон” фақат мухлислар ва жамоа вице-президенти Алишер акага керакдек. Жамоа танг аҳволда бунинг учун мухлисларимиздан узр сўрайман. Хозир ҳаттоки иккинчи давра олдидан нима қилишимизни ҳам билмайман. Балки асосий таркибдагиларни қўйвориб бошқатдан ёшлардан жамоа тузармиз.

 

Аброр ҚОДИРОВ тайёрлади

Рейтинг:    

Фикрлар

championat.asia
< сўнгги янгиликларни кўриш
Яндекс.Метрика